Vo trovâdè pâ chi mo din le dikchenéro, porè chè traduire in «mèli-mèlo». L’è portan le titre d’on galé lêvro, publèyi in mile nou-thin trinta pê Tobi di j’Èyudzo. En trinta achebin, i parechê «Ouna fourdèrâ dè j’èyudzo».

Chè dèchindin l’an rè-èditâ in mile nou-thin vouètant’è katro le «Mèhyon-mèhyèta». L’è adi in vinta.

Chi «Tobi» irè a non Cyprien Ruffieux. L’è vinyê ou mondo la né dè Tsalandè 1859, i kontè mimo, din na galéja poèji:

La né dè Matenè, vunyu ou mondo din on bon yi. N’é pâ martalâ bin grantin,

Le lindèman matin, le premi tsantà dè Kreju, mon chènia to fyê, to kontin,

Ache fêrmo tyè ke l’a pu, a hôtè lè vouê l’a tsantâ: «Puer natus es nobis»

È lè j’andzè l’y an bramâ: «Gloria in excelsis!»

On poête dè rèthèta. On patêjan chuti. L’a èkri di balè pithè dè tèâtro. Chè tinyê a La Toua, din la bala méjon karâye k’ègjichtè adi. L’a alèvâ ouna grôcha famiye. I léchè in apri dè li ouna dèchindinthe dè dzin nopâ, di j’artichte dè kalitâ… on porè dre ouna redâye dè bi j’èyudzo. I chavê fére a-rire chin grobètâ, pyin dè fenèthe è di galé mo râ.

L’è on èyudzo a pâ oubyâ.

Anne Marie Yerly

Méli-mélo

Vous ne trouvez pas ce mot dans le dictionnaire patois, il pourrait se traduire en méli-mélo. C’est pourtant le tire d’un joli livre, publié en 1930 par Tobie des Eclairs. En 1930 aussi, paraissait «Un plein tablier d’Eclairs».Ses descendants ont réédité en 1984 le «Mèli-Mèlo» . Il est encore en vente.

Ce Tobie s’appelait Cyprien Ruffieux. Il est venu au monde la nuit de Noël 1859, il raconte lui-même, dans une jolie poésie:

La nuit de Matines, venu au monde dans un bon lit.

Je n’ai pas grelotté longtemps. Le lendemain matin,

Le premier chantre de Crésus, mon père tout fier, tout content,

Aussi fort qu’il a pu, à haute voix il a chanté: «Un enfant nous est né»

Et les anges lui ont crié: «Gloire au plus haut des cieux!»

Un poète de grande valeur. Un patoisant subtil. Il a écrit de belles pièces de théâtre. Il demeurait à La Tour, dans la belle maison carrée qui existe toujours. Il éleva une grande famille. Il laisse une descendance de qualité, des artistes… on pourrait même dire, une ribambelle de beaux éclairs. Il savait faire rire sans vulgarité, plein de finesses et de jolis mots rares.

C’est un éclair à ne pas oublier.

Anne Marie Yerly