No vinyin dè fithâ chin Nikolé. Chi inke, anfin chi ke l’a pachâ in vela dè Friboua, l’a fê oun’èchpéche dè pridzo; on chè dèmandè chin ke lè j’infan l’an konprê, pâ drôlo! Ou dzoua d’ora, lè j’infan l’i krêyon pâ-mé tan. Kan on vê di «père Noël» apèdji a totè lè ramirè, le tin di fithè l’è pâ-mé le mimo. Le komêrche pâchè dèvan to le richto.
 Le vouète dè dèthanbre chè fithè adi din nouthron tyinton: «Nouthra Dona dèvan Tsalandè», on moujè a ha poura Marie, in dèthanbre, kemin ora, irè dza tota bala, ch’inkotyivè por alâ a Bethléem. On paryè voyâdzo din chi l’ètha, po betâ chon Piti ou mondo, chu la paye. L’i a dè chin dou mille an.
Dou mile an? Ou dzoua d’ora lè tsoujè l’an pâ tan tsandji. A kotyè kilomêtre dè Bethléem, din ti hou payi in dyêra, vouéro dè famiyè tsemenon dinche. N’in d’a prà ke lou fô portâ di to piti, trinâ di viyo, din le frê, gurlin dè pouêre. Por alâ yô? Po trovâ tyè?
Bin ou tsô chu nouthron forni, tâtsin-vê dè l’i moujâ!
Anne Marie Yerly

Immaculée Conception
Nous venons de fêter la Saint Nicolas. Celui-ci, enfin celui qui est passé en ville de Fribourg, a fait une espèce de sermon ; on se demande ce que les enfants en ont déduit, pas drôle! Aujourd’hui, les enfants n’y croient plus beaucoup. Quand on voit des pères noël collés à toutes les façades, le temps des Fêtes n’est plus le même. Le commerce passe avant tout le reste.
Le huit décembre se fête encore dans notre canton, en patois : «Notre Dame avant Noël», on pense à cette pauvre Marie, en décembre comme maintenant, elle était enceinte, elle se préparait pour aller jusqu’à Bethléem. Un pareil voyage, dans son état, pour mettre son Petit au monde, sur la paille. Il y a deux mille ans!
Deux mille ans? Aujourd’hui les choses n’ont guère changé. A quelques kilomètres de Bethléem, dans tous ces pays en guerre, combien de familles cheminent ainsi. Beaucoup doivent porter les petits, traîner les vieux, dans le froid, tremblants de peur. Pour aller ou? Pour trouver quoi?
Bien au chaud sur notre fourneau, essayons d’y penser!
Anne Marie Yerly