Ditè mè pâ ke l’è mouâ

En patois
En français

 

Vo j’i oyu, demindze pachâye a Radiô Friboua. Le prèjidan kantonal di patêjan dejê ke l’i a ouna thantanna dè dzouno ke chuêvon lè kour dè patê. L’è pâ rin chin!
Ditè-mè pâ, ora, ke l’i a tyè lè viyo hu hu ke dèvejon le patê. In dèpye dè chin, ti lè j’an , di téâtro chon organijâ deché è delé. È l’è chovin di dzouno j’akteu . Lè chochyètâ dè tsan tsanton adi mé di tsan patê, mimamin di novi kotyè kou. Din lè rinkontrè, l’i a adi mé dè dzin ke vinyon.
Fô bin chè moujâ ke hou ke volon l’aprindre ou dzoua d’ora, l’aron chovin dè la pêna dè trovâ kôkon po dèvejâ. L’è po chin ke lè fô inkoradji adi mé. Bin chovin, tru chovin, hou ke l’an volu l’aprindre, chon j’ou dèkoradji pê di dzin ke rijan dè là. «Tyéche-tè, te châ pâ le patê!» Vouéro dè yâdzo l’an j’ou le bè hyou pê di mokèran. Pi tyè chin, l’è rinkontrâ di dzin ke chè rijan dè hou ke fajan di fôtè, ma, tinyidè-vo bin, le fajan in franché, iran pâ kapâbyo d’alinyi dou mo in patê. Lè dè hou-inke ke fô rire! Anne Marie Yerly

 

Ne me dite pas qu’il est mort

Vous avez entendu, dimanche dernier à Radio Fribourg. Le président cantonal des patoisants disait qu’il y a une centaine de jeunes qui suivent les cours de patois. Ce n’est pas rien!
Ne me dites pas, maintenant, qu’il n’y a plus que les croulants qui parlent patois. En plus de cela, toutes les années, des théâtres sont organisés de ci de là . Et ce sont souvent de jeunes acteurs. Les chorales chantent de plus en plus en patois, de nouveaux chants parfois. Dans les rencontres il y a de plus en plus de monde.
 Il faut bien penser que ceux qui veulent apprendre aujourd’hui, auront souvent de la peine à trouver un interlocuteur. Voilà pourquoi il faut les encourager toujours plus. Bien souvent, trop souvent, ceux qui ont voulu l’apprendre, ont été découragés par des gens qui riaient: «Tais-toi, tu ne sais pas le patois!» Combien de fois, ils ont eu le bec cloué par des moqueurs. Pire que cela, j’ai rencontré des gens qui se moquaient de ceux qui faisaient des fautes, mais, tenez-vous bien, ils le faisaient en français, pas capables d’aligner deux mots patois. C’est de ceux-là qu’il faut se moquer! Anne Marie Yerly

 

Catégorie: 

Annonces Emploi

Annonces Événements

Annonces Immobilier

Annonces diverses