I fô dè to po fére on mondo. Vo trovâdè di dzin ke l’an l’ê farmo malin pu ke l’an pâ vouéro din le kayou. Ou kontréro, vo vêdè dè hou ke chinbyon badadya, ma ke l’an la lumyére a ti lè j’ètâdzo. Fo pâ chè fuyâ a chin ke ch’è vê. L’é konyu di fiyè ke chavan rin a l’èkoula, pu ke l’an farmo bin tinyê lou minâdzo on kou maryâyè. Ti lè fou l’an lou don!
Ma, nyon l’è fou parê: m’an kontâ l’avantura dou viyo l’inkourâ Kaeser. On chavan ke dejan. L’avê pâ rintyè fê le chinpyo chèminéro, ma di grôchè j’ètudè, on doktora! Chin irè ou keminthèmin dè mile nou-thin, din mon velâdzo. Lè dzin le krènyan, irè chèvéro, irè pâ kèchtyon dè dichkutâ chè j’ouâdre. Moncheu châ to, l’è to!
Chè ch’irè prokurâ on vèlo, on vèlo dè fèmala bin chure, a kouja dè chè gran kotiyon. I alâvè deché è delé, a chè j’afére. Lè routè iran pâ kemin ou dzoua d’ora, pyênè dè j’ornyérè è dè grô kayou. In dèpye dè chin, prà dè tsavô li pêjan di hyou. Lè pneu iran chovin krèvâ.On bi dzoua, irè jelâ i Mârtsè, a Botèrin, l’a krèvâ. Chin moujâ pye yin, l’è rèmontâ chu cha bèkane, l’a j’ou de la pêna kan mimo. In arouvin a Trivô l’è jelâ vê Maxime dou Tsathi, le “mèkanichyin”dè chi momin. Chon pneu irè fotu d’àtre. La ràvoua achebin irè mô adoubâye.
Maxime konprenyi pâ ke chi chavan l’ôchè pu fére dinche. I kontâvè l’afére pê le velâdzo, chkandalijâ: «Docteur en théologie….docteu in inyoranthe, vouê!” Anne Marie Yerly

L’intelligence du savant
Il faut de tout pour faire un monde. Vous trouvez des gens qui ont l’air fort malin, et qui n’ont pas grand-chose dans le caillou. Au contraire, vous en voyez certains qui ont l’air benêt, mais qui ont la lumière à tous les étages. Il ne faut pas se fier aux apparences. J’ai connu des filles nulles à l’école, puis qui ont fort bien tenu leur ménage une fois mariées. Tous les fous ont leurs dons!
Mais nul n’est pareillement fou: on m’a raconté l’aventure du vieux curé Kaeser. Un savant «qu’ils disaient». Il n’avait pas fait que le simple séminaire, mais de grandes études, un doctorat! C’était au début mille neuf cent, dans mon village. Les gens le craignaient, il était sévère, il n’était pas question de discuter ses ordres. Le Curé sait tout, c’est tout!
Il s’était procuré un vélo, un vélo de femme bien sur, à cause de son grand cotillon. Il allait de ci delà, à ses affaires. Les routes n’étaient pas comme aujourd’hui, pleines d’ornières et de gros cailloux. En plus de cela, bien des chevaux y perdaient des clous. Les pneus souvent crevaient. Un beau jour, il était allé aux Marches, à Botterens il a crevé. Sans penser à mieux, il est remonté sur se bécane, il eut de la peine, quand même. Arrivant à Treyvaux il est allé chez Maxime du Château le «mécanicien» de l’époque. Son pneu était fichu tout au travers. La jante aussi en très mauvais état.
Maxime ne comprenait pas que ce «savant» ait pu faire ainsi. Il racontait partout au village, scandalisé: «Docteur en théologie… docteur en ignorance, oui!» Anne Marie Yerly