Lè dzin

En patois
En français

Lè dzin l’an de, lè dzin l’an fê; vouéro dè rèvi po dèvejâ di dzin! L’è on drôlo dè mo; ouna dzin chè di rintyè ou fèminin, ègjinpyo: chi l’omo l’è bouna dzin (ouna bouna pèrchena). Le mo dzin chè pou pâ dre cholè, che vo ditè: «L’è on dzin», l’è pâ dou patê, l’è «ouna dzin». Le patê l’è ôtyè dè kuryà, l’i a tan dè drôlèrâ, l’è pâ tan alêgro dè l’ inchènyi, l’i a kan mimo di «bounè dzin» ke van bayi di kour a di «galéjè dzin» ke volon bin l’aprindre. L’è j’on è lè j’ôtro l’an dou korâdzo, lè fô bin fèlichitâ.

L’i a di dzin dè totè chouârtè, pye ou min rèvèyi, pye ou min indremê. I fô dè to po fére on mondo. M’an de ke l’avan fondâ ouna novala amikala ke l’i dyon «Dzin». Che kôkon pou mè dre chin ke l’è, cheri bin kuryàja dè chavê chin ke l’i chè pâchè. Mè moujo ke l’i dèvejon rintyè in patê intrè là!

Ora i pyako dè dèvejâ di dzin, mon kurti mè fâ di grô j’yè, lè mônè krèchon, ma, rachurâdè-vo, lè pê chon pyantâ. Bouna chennanna!

Anne Marie Yerly

 

 

Les gens

Les gens ont dit, les gens ont fait; combien de proverbes, pour parler des gens! En patois c’est un drôle de mot. Il ne se dit qu’au féminin, exemple: C’est homme est «bonne gens» (une bonne personne). Le mot gens ne peut pas se dire tout seul, si vous dites: «C’est un gens «ce n’est pas patois, c’est une personne. Le patois est quelque chose de curieux, il y a tant de drôleries, et ce n’est pas facile de l’enseigner, il y a tout de même de «bonnes gens» qui vont donner des cours à de «gentils jeunes gens» qui veulent bien l’apprendre. Les uns et les autres ont du courage, il faut les féliciter.

Il y a de toutes sortes de gens, plus ou moins réveillés, plus ou moins endormis. Il faut de tout pour faire un monde. On m’a dit qu’il s’était fondé une nouvelle amicale qui s’appelle «Dzin». Si quelqu’un peut me dire de quoi il s’agit, je serais bien curieuse de savoir ce qu’il s’y passe. Je pense qu’on y parle qu’en patois!

Voilà, je cesse de parler des gens, mon jardin me fait les gros yeux, les mauvaises herbes poussent, mais, rassurez-vous, les petits pois sont semés. Bonne semaine.

Anne Marie Yerly

Catégorie: 

Annonces Emploi

Annonces Événements

Annonces Immobilier

Annonces diverses

Trending