Nouthrè dzounèchè chon balè

En patois
En français

Din ti lè velâdzo dè nouthra Grevire, mimamin dè nouthron tyinton, l’i a di chochyètâ dè dzounèche. Lè dzouno de la mima kotse chè rètràvon po partadji di bounè vouêrbè inthinbyo è po betâ achebin dè la ya din lou velâdzo.

Ti lè j’an, lè dzouno gruvèrin l’an a kà dè chè vihyi dou bredzon è dou dzakiyon por alâ tsantâ dè méjon in méjon è anonhyi, bin di kou in patê, l’arouvâye dou furi !

Prà dè tsoujè chon organijâyè pê hou chochyètâ: di goutâ po lè j’anhyan, la choupa dè Karêma, lè rèpojyà dè la Fithâ-Dyu, la fitha nachyonale, di vèyè dè kârtè, di téâtro in patê è in franché, di chayêtè, di voyâdzo, è adi bin di fithè ou ôtrè j’andrenâyè po divêrchè j’okajyon.

Ti lè j’an, totè lè dzounèchè dou dichtri chè rètràvon po na grôcha rinkontra, chu katro dzoua. Lè dzouno chè dèfiyon pê di dju, po chavê nekoué porè organijâ la fitha dè l’an d’apri. Le dechando matin, on bi kortéje dèfelè a travê le velâdzo. Lè chochyètâ l’an a tsakon lou bi tsê, inkotyi po l’okajyon.

Chti an, lè trintè-trèjimè rinkontrè di dzounèchè Gruvèrenè chè pâchèron a Riaz, vê lè matou, chu le têmo dè «Riaz vê lè j’Èlvête»

Vinyidè in mache chotinyi nouthrè balè dzounèchè  ke léchon pâ kore nouthrè galéjè kothemè!

La chochyètâ di dzouno dè Riaz, invrenâye dè chon komité d’organijachyon, chè bayi dè to kà, chti an, por inkotyi ouna bala fitha, no no rèdzoyin dè vo j’akuyi la chenanna ke vin!

È kemin di le rèvi dè la Fèdèrachyon di Dzounèchè gruvèrenè: «L’avinyi de la Grevire l’è din lè mandè la Dzounèche!»

Romain Pittet

 

 

 

Nos jeunesses sont belles

Dans tous les villages de notre Gruyère, de notre canton même, il y a des sociétés de jeunesse. Les jeunes du même coin se retrouvent pour partager de bons moments ensemble et pour mettre de la vie dans leur village.

Tous les ans, les jeunes gruériens ont à cœur de se vêtir du bredzon et du dzaquillon pour aller chanter de maison en maison et annoncer, souvent en patois, l’arrivée du printemps.

Beaucoup d’activités sont organisées par ces sociétés: des dîners pour les ainés, la soupe de Carême, les reposoirs de la Fête-Dieu, la fête Nationale, des matchs aux cartes, des théâtres en patois et en français, des sorties, des voyages et encore beaucoup de fêtes et activités pour diverses occasions.

Chaque année, toutes les jeunesses du district se retrouvent pour une grande rencontre sur quatre jours. Les jeunes se défient autour de jeux pour savoir qui pourra organiser la fête de l’année suivante. Le samedi matin, un beau cortège défile à travers le village. Les sociétés ont chacune leur beau char, préparés pour l’occasion.

Cette année, les 33es Rencontres des jeunesses gruériennes auront lieu à Riaz, chez les Chats, sur le thème: «Riaz chez les Helvêtes».

Venez nombreux soutenir nos belles jeunesses qui ne laissent pas tomber nos chères coutumes.

La société de jeunesse de Riaz, entourée de son comité d’organisation, s’est donnée de tout son cœur cette année, pour préparer une belle fête. Nous nous réjouissons de vous accueillir la semaine prochaine!

Et comme dit le slogan de la Fédération des jeunesses gruériennes: «L’avenir de la Gruyère est dans les main de la jeunesse!»

Romain Pittet

 

Catégorie: 

Annonces Emploi

Annonces Événements

Annonces Immobilier

Annonces diverses