Lè tsalandè dè Djirâ a Tônon

En patois
En français

Ithè-vo jelâ ou Rètré di Mârtsè, gugâ l’èchpojichyon di tsalandè dè Djirâ a Tônon? È bin krêdè-mè! L’è òtyè dè fro delé bi, dè vêre tyè chu ha têra yô l’afére verè chovin pâ mé ryon, l’y a toparê on mache dè dzin ke chan chin ke l’è on tsalandè. Dè hou tsalandè, vinyon dè totè lè rèkotsè dou mondo.  

I vinyon dè payi ke puon fére a martchi l’omo chu la lena, dè payi yô l’an rintyè di tsandèlètè po ch’èhyiri è gayâ rin din la pila. N’in d’a yon ke vin dè la «Colombie», avu di perchenâdzo vuthu kemin lè j’indyin, n’in d’a ke chon chkultâ din du-trè chouârtè dè bou è dè pêrè, n’in d’a in’âjiye, in diferintè matêre. N’in d’a yon, l’è tan piti, ke la Chinte Famiye porê ch’achothâ déjo on dé a kàdre. Anfin! Po dre djuchto, l’é pâ j’ou lè j’yè mafi dè lè vuityi.

Marthi mile kou Djirâ! Tè tsalandè l’an prou chur rèdzoyi le kà d’on mache dè dzin. 

I mè chàbrè dè vo kouâdre a tot’è ti, la chindâ, la tsèvanthe, le dzouyo è le bouneu po l’an ke vin.

Bondzoua dè boun’an!

 

Bèrnâ Chaney

 

 

Les Noël’s de Gérard à Tonon

Etes-vous allés au Refuge des Marches, voir l’exposition de Noël’s de Gérard à Tonon? Et bien croyez-moi, c’est quelque chose de très beau; de voir que sur cette terre ou la chose ne tourne souvent plus très rond: il y a tout de même un tas de gens qui savent ce qu’est un Noël. Ces «crèches-là» viennent de tous les coins du monde.

Elles viennent des pays qui peuvent faire marcher l’homme sur la lune. De pays où l’on a que de petites bougies pour s’éclairer et presque rien dans la poêle à frire. Il y en a une qui vient de Colombie avec des personnages vêtus en indiens, certains sont sculptés dans deux ou trois sortes de bois et de pierre, il y en a en argile, et en différentes matières. Il y en a une si petite, que toute la Sainte famille pourrait s’abriter sous un dé à coudre. Enfin pour dire juste: je ne me suis pas fatigué les yeux à les regarder.

Merci mille fois Gérard. Tes «Noëls» ont certainement réjoui les cœurs de beaucoup de gens.

Il me reste à vous souhaiter, à toutes et à tous, la santé, la prospérité, la joie et le bonheur pour l’an qui vient.

Bonne Année!

Bernard Chaney

Catégorie: 

Annonces Emploi

Annonces Événements

Annonces Immobilier

Annonces diverses