Ratata

En patois

Dremidè bin, bounè dzin dè Bulo, poutithre ke vouthrè né chon pye pèjubyè tyè vouthrè dzoua. Vo fithâdè lè tabà, lè tanbour dè tota la Chuiche.

Du Bâla a Dzenèva, in pachin pê ti lè tyinton, i chon arouvâ intye-vo po trè dzoua. Trè dzoua dè fitha è dè galéjè rinkontrè.

Chi l’inchtrumin dè mujika l’è kan mimo bin utilo. Din le viyo tin, avu lè tronpètè, din lè batayè, i tsanpâvan lè pouro chudâ ou fu. «Tanbour-batan» ke dejan, irè tyachon dè l’i alâ, è bin chovin po pâ rèvinyi!

Ou dzoua d’ora, l’è tyè-mé po le pyéji. Totè lè chochyètâ dè mujika l’an di balè batèri, du la pitita tyéchèta a la grôcha tyéche, i chàbrè on mache dè gelenichè, dè tanborin è dè kachtanyètè.

A la fanfàre dè mon velâdzo, din lè j’an trinta, on tanborinâre l’è chobrâ chèlébro. Irè a non Hilaire. Irè farmo bon po menâ chè badyètè, chon pye grô pyéji irè d’alâ in rèpètichyon. Chon chorènon l’è chobrâ grantin din lè mèmouâre: Ratata!

Bala fitha a ti!

Anne Marie Yerly

 

Ratata

Dormez bien, bonnes gens de Bulle, peut être que vos nuits sont plus paisibles que vos jours. Vous fêtez les tambours, les tambours de toute la Suisse.

De Bâle à Genève, en passant par tous les cantons, ils sont arrivés chez vous pour trois jours. Trois jours de fête et de jolies rencontres.

Cet instrument de musique est quand même bien utile. Dans le vieux temps, avec les trompettes, dans les batailles, ils poussaient les pauvres soldats au feu. «Tambour-battant» disait-on, il fallait y aller, et bien souvent pour ne pas revenir.

Aujourd’hui, ce n’est plus que pour le plaisir. Toutes les sociétés de musique ont une belle batterie, de la petite à la grosse caisse ainsi qu’une quantité de grelots de toutes sortes, de tambourins et de castagnettes.

A la fanfare de mon village, dans les années trente, un joueur de tambour est resté célèbre. Il s’appelait Hilaire. Il était fort pour mener ses baguettes, son plus grand plaisir était d’aller en répétition. Son surnom est resté longtemps dans les mémoires: Ratata.

Belle fête à tous!

Anne Marie Yerly

Catégorie: 

Annonces Emploi

Annonces Événements

Annonces Immobilier

Annonces diverses