On indrê bènirà

En patois
En français

Ti lè j’an, a la mi-ou, lè pârotsin dè Trivô chin-van, on porè dre in pèlèrinâdzo ou mohyi dè Vê Chin Piéro. Du la mècha, no chàbrin por on apéro è on rèpé, ma chuto po chè rinkontrâ. I chinbyè ke léva-lé, nouthrè j’anhyan chon pye pri dè no. Prà l’i chon adi intêrâ, ma lè vèkechin dè vêr-no l’an on prèvon rèchpè po l’indrê. Ouna komichyon l’è jou nommâye l’i a vint’è-thinke an, po l’intrètinyi è lè Monuman Ichtorike chon bin intêrèchi.

A chi l’ indrê, ou dèchu di rotsè di ruvè de la Charna, l’i a mile an ke nouthrè j’anhyan l’avan bâti. L’a adi le titre dè mohyi, l’è don pâ na tsapala. I l’è nouthra premire parotse. La mècha chè di du tin j’in tin, kan iro dzouna no l’i alâvan i Rogachyon. 

Che le kà vo j’in di, di vijitè chon organijâyè bin chovin, y vô la pêna. Po vo j’inchkrire, vêdè le «site» Parotse dè Trivô. To l’i è. Lè piti gri cheron to fyê dè vo prèjintâ chi trèjouâ.

Anne Marie Yerly

 

 

Un endroit bienheureux

Tous les ans, à la mi-août, les paroissiens de Treyvaux s’en vont, l’on peu dire, en pèlerinage à l’église de Vers-Saint-Pierre. Après la messe, nous restons pour un apéro et un repas, mais surtout pour se rencontrer. Il semble que là-bas, nos ancêtres sont plus près de nous. Beaucoup y sont enterrés, mais les vivants de chez nous ont un profond respect pour ce lieu.  Une commission de restauration fut nommée il y a vingt-cinq ans et les Monuments historiques y sont très intéressés.

A cet endroit en dessus des falaises de la Sarine, il y a mille ans que nos ancêtres l’avaient érigée. Elle a toujours le titre d’église, ce n’est pas une chapelle. Elle est notre première paroisse. La messe y est dite de temps en temps, et lorsque j’étais jeune nous y allions aux rogations.

Si le cœur vous en dit, des visites commentées sont organisées régulièrement, ça en vaut la peine. Pour vous inscrire, voyez le site de la Paroisse de Treyvaux. Tout y est. Les «petits gris» seront tout fiers de vous présenter ce trésor.

Anne Marie Yerly

 

Catégorie: 

Annonces Emploi

Annonces Événements

Annonces Immobilier

Annonces diverses