Deché-delé
Prin le tin d’amâ… L’è le chèkrè d’la dzounèthe!
Prin le tin dè rire… L’è la mujika dè l’ârma!
Prin le tin dè pyorâ… L’è le chunyo d’on gran kà!
Prin le tin dè yêre… L’è la chourche dou chavê!
Prin le tin d’akutâ… L’è la fouârthe de l’èchpri!
Prin le tin dè moujâ… L’è la hyâ d’la rèuchête!
Prin le tin dè dzuyi… L’è la frètchyà de l’infanthe!
Prin le tin dè rèvachi… L’è le chohyo dou bouneu!
Prin le tin dè gugâ… L’è on momin dè dzouyo po lè j’yè!
Prin le tin po lè j’ôtro… L’è léchi chon kà ch’ourâ!
Prin le tin dè dèvejâ, dè tsantâ… L’è la pràva d’on mèyà bin!
Prin le tin dè prèyi… L’è le rinyo d’la ya!
Prin le tin dè vivre… Pêrmô ke le tin pâchè rido…
È chuto ne rèvin djêmé!
GÉRARD RIME A TÔNON, TSÊRMÊ
Ecoutez cet article en patois et en français sur www.lagruyere.ch