Deché-delé

In galochin, l’evê arouvè. D’uche a na djijanna dè dzoua chin cherè Tsalandè. Chi ke lè j’infan atindon l’è chi galé bourdzu ke l’è a non le Boun’Infan. Y arouvè bi drê du le «pôle Nord», to redyè chu chon galé trinô.

Chovin, on le rinkontrè dèvan lè grôchè boutekè; konfortâbyamin pyantâ din on fôteye, vuthu dè vèlu rodzo, lè pê è la bârba dè la mima kolà tyè lè pyàmè dou chinyo. Du chè dzoutè rodzè kemin la midolèta, cha granta bârba rèkràvè la bohya dorâye de na lârdze hyintere dè kouê nê. D’ouna vouê intrètsantâye i tchirè lè piti j’infan: «Ô! Ô! Ô! Ô! Vinyidè vinyidè lè petyo, ma lota l’è borâye dè bonbenichè…»

Kemin l’è mèrvèyeu, ti hou j’infan ke l’akuton avu di j’yè règordjin dè bouneu. Ma! Oubyâdè pâ ke che no fithin Tsalandè, l’è pâ dè la fôta a chi galé bourdzu, ma…