Machin

En patois
En français

Bin tru grantin, kan lè dzin intindan chi non dè Machin, tot’a l’àra on moujâvè i fou. Mè ke chu tota ma ya chobrâ a Machin, m’in chu bin trovâ, in dèfro de l’«l’asile», bin chur, ma pâ bin yin. Fo dre ke din le tin to le mondo dejê «l’asile», pêrmo ke lè dzin k’iran malâdo d’la titha, iran invouyi a Machin po ithre rèvou, è chogni a la dura.

Du lè j’an thinkanta, avu le mêdzo Remy, lè pratekè li-yan bin tsandji è Machin, piti-a-piti, l’è vinyê on èpetô. Oun’èkoula d’infirmié l’è jou betâye chu pi è bin di dzouno, to kontin dè trovâ dou travô din le tyinton, chon arouvâ a Machin. Li-yè d’ayeu avu prà dè hou dzouno ke no j’an krèâ in mil-nouthin-thinkantè-dou, la chochyètâ di dzouno dè Machin.

Po n’in rèvinyi a l’èpetô dè Machin, vo j’i pou-t-ithre yu ha bala èchpojichyon, ou Musé Gruvèrin dè Bulo, chu h’inchtituhyon k’la yu le dzoua in mil-vouèthin-chaptantè-thin è ke retrathè, avu di foto, di badyè è di j’èkri, kemin la ya chè pachâvè po hou pourè dzin chonyi a Machin.

L’é prà dè chovigni dè mon dzoun’âdzo, kan lè malâdo alâvan in tsan ou din lè kurti po lè travô dou gran bin, ke chèrvechê a okupâ lè mi d’apyon. Dè chi tin i chàbrè, a l’intrâye dou velâdzo, la bala fêrme, ora in man d’la kemouna, ke l’a pâ pu ratinyi la pouchta. Inke irè alinyi, bin di j’an dèvan, ouna bala rintse, chu lè chouchantè vatsè, bin inkornâyè d’la rache fribordzêye.

To tsandzè, ma ora on pou dre k‘a Machin lè malâdo chon chèvu è bin chogni. Chin l’è ôtyè!

Vonvon Kolly

 

Marsens

Dans le temps, quand les gens entendaient ce nom de Marsens, tout de suite on pensait aux fous. Moi qui suis resté toute ma vie à Marsens, je m’en suis bien trouvé, en-dehors de l’asile, bien sûr, mais pas bien loin. Il faut dire que dans le temps tout le monde disait «l’asile», parce que les gens qui étaient malades de la tête, étaient envoyés à Marsens, pour être cachés, et soignés à la dure.

Dans les années cinquante, avec le docteur Remy, les pratiques ont bien changé et Marsens, petit-à-petit, est devenu un hôpital. Une école d’infirmiers a été mise sur pied et bien des jeunes, tout contents de trouver du travail dans le canton, sont arrivés à Marsens. C’est d’ailleurs avec beaucoup de ces jeunes que nous avons créé en 1952 la société de jeunesse de Marsens.

Pour en revenir à l’Hôpital de Marsens, vous avez peut-être vu cette belle exposition au Musée Gruérien, de Bulle, sur cette institution qui a vu le jour en 1875 et qui retrace, avec des photos, des outils et des écrits, comment la vie se passait pour ces pauvres gens soignés à Marsens.

J’ai beaucoup de souvenirs de mon jeune âge, quand les malades allaient aux champs ou dans les jardins pour les travaux du grand domaine, qui servait à occuper les mieux d’aplomb. De ce temps, il reste, à l’entrée du village, la belle ferme, maintenant en mains de la commune, qui n’a pas pu retenir la poste. Là étaient alignée, bien des années avant, une belle rangée, sur les soixante vaches bien encornées de la race fribourgeoise.

Tout change, mais maintenant on peut dire qu’à Marsens les malades sont suivis et bien soignés. Ça c’est quelque chose!

Vonvon Kolly

Catégorie: 

Annonces Emploi

Annonces Événements

Annonces Immobilier

Annonces diverses