Deché-delé

Tyin piéji, chtou dari tin, dè vêre ha bala nê rèkrouvâ to le payi. Lè papê no dyon ke li-ya dji j’an ke no j’an pâ rèyu chin. Tan mi po hou k’atindon chin è chuto po hou ke l’ouâ byan lou chê dè gânye-pan. Bin chur ke chu lè tsemin la leka n’è pâ mé ha dè nouthron dzouno tin. Mè rapalo k’on dèchindê ou velâdzo, ouna granta partya de l’evê, in yudze. Por alâ a l’èkoula, po chè dèmorâ è achebin por alâ kolâ. Ma on kou, din le dari verolè, ou fon dou velâdzo, chu arouvâ on bokon tru rido è ma boye l’a pachâ dè l’ôtra pâ d’la chê. Bin chur ke mon chènya n’è pâ jou tan kontin, chuto ke l’avé rin mé dè lathi a betâ chu le koyà d’la fretyire.

Ha bala leka, irè pochubyo, pêrmô ke n’i avi pâ le dondji dè rinkontrâ di j’oto, kemin ou dzoua d’ora. Din nouthra pèrotse, li-avi a pou pri…