Fô prèyi la Bouna

En patois
En français

I dêvo rèbetâ lè tsoujè in pyathe. Moujâdè on bokon, dechando pachâ, vo j’é kontâ l’avantura de la promenârda dè Nouthra Dona a travê le Bou dè Pènihyié. No l’avan portâye tantyè a Pon-Na-Vela in grant’arouà. Vo j’é achebin kontâ la rintrâye, bin arojâye.

Inke don ma fôta: l’é dèvejâ dè Nouthra Dona di Mârtsè, è bin na, irè Nouhra Dona dè Fatima. Tyinta vêgonye! Fô pâ chè tronpâ dè Chinte Vièrdze, n’in d’a tan. Mè rèvinnyon lè propou de na brâva dama, farmo dèvouhyàja, prèyèrida è bouna krètyêne. I dejê: «Mè, lé rintyè konfyanthe in Nouthra Dona di Mârtsè, ha dè Bourguillon m’a djamé rin bayi!» Vo vêdè, ke n’ in d’a dè totè chouârtè.

Che l’i a vertâbyamin ôtyè din L’Indelé, i dêvon di yâdzo, pachâ di bon momin è ch’inbourdiyi dè rire.

Anne Marie Yerly

 

 

Il faut prier la Bonne

Je dois remettre les choses en place. Pensez un peu, samedi dernier je vous ai raconté l’aventure de la promenade de Notre-Dame à travers le bois de Péniclé. Nous l’avions portée jusqu’à Pont-la-Ville en grand arroi. Je vous ai aussi raconté la rentrée, bien arrosée.

Voici donc ma faute: j’ai parlé de Notre-Dame des Marches, et bien non, il s’agissait de Notre-Dame de Fatima. Quelle vergogne! Il ne faut pas se tromper de Sainte Vierge, il y en a tellement. Me reviennent les propos d’une brave dame, fort dévote, pieuse et bonne chrétienne. Elle disait: «Moi, je n’ai confiance qu’en Notre-Dame des Marches, celle de Bourguillon ne m’a jamais rien donné!» Vous voyez bien qu’il y en a plusieurs.

S’il y a vraiment quelque chose dans l’au-delà, ils doivent parfois passer de bons moments et se tordre de rire.

Anne Marie Yerly

Catégorie: 

Annonces Emploi

Annonces Événements

Annonces Immobilier

Annonces diverses