L’è vuto pêrdenâye, ke dyon. La chenanna pachâye, no j’an dèvejâ dè motsè, dè tya-motsè è dè vatsè chin kuva.

Lè j’èchpri lè pye chuti è lè patêjan lè pye frelè l’an achurâ trovâ la bala fôta ke l’é fê. Kan l’é dèvejâ di vatsè ke povan pâ-mé chè motsèyi (don tséhyi lè motsè), l’é èkri ke povan pâ-mé chè motsatâ. Motsatâ l’è bin ôtyè d’ôtro. Alâdè chu le dikchenéro.

Le patê, kemin le franché, l’è pyin dè chorèprêchè. L’i a on mache dè mo ke tsandzon, rintyè avu on akthan. On po l’è pâ on pô! On’à l’è pâ on’â. On mouâ l’è pâ on moua. Èprouvâdè vê dè dre,ou bin d’èkrire: «Chi tâko, l’è modâ avu chon takô».

Che vo betâdè pâ lè j’akthan a la bouna pyathe, i pou bayi dou galé. Kan on châ, adi on bokon, le patê, l’è nouthron tâtso, d’èchplikâ a ti hou dzouno ke volon bin l’aprindre, totè hou j’intrèfetsichè ke ha bala linvoua no kontè.

L’è dinche ke no j’arouvèrin a dèvejâ, è a èkrire le patê, chin tranchlatâ le françhé mo a mo.

Anne Marie Yerly

Faute avouée

Est bien vite pardonnée, dit-on. La semaine dernière, nous avons parlé des mouches, des tue-mouches et des vaches sans queue.

Les esprits les plus vifs et les patoisants les plus pointilleux ont assurément trouvé la belle faute que j’ai faite. Lorsque j’ai parlé des vaches qui ne peuvent plus chasser les mouches, j’ai écrit qu’elles ne pouvaient plus moucheter (motsatâ et motsèyi se trouvent dans le dictionnaire).

Le patois, comme le français, est plein de surprises. Il y a une foule de mots qui changent, rien qu’avec l’accent. Une marmite n’est pas un piquet. Un œuf n’est pas une abeille. Un mort n’est pas un museau. Essayez de dire: «Ce sot est parti avec son tacot».

Si vous ne mettez pas les accents à la bonne place, ça peut «donner du joli». Lorsque l’on sait, encore un peu le patois, c’est notre tâche, d’expliquer, à tous ces jeunes qui veulent bien l’apprendre, toutes les intrigues que cette belle langue nous raconte.

C’est ainsi que nous arriverons à parler et à écrire le patois, sans traduire le français mot à mot.

Anne Marie Yerly