Nouthon payi l’è bin vouêthâ. L’i a dè tyè batoyi, babiyi, dzêrgounâ, brathotâ, dèbyotâ, papotâ è menâ lè mamàlè din prà dè linvouè. Dou franché, dou reman, dè l’italyin è dou tutche. In dè-pye dè chin, l’i a,bin chure ti lè patê. Chin y fâ on pechin mèhyo, kan on chè tràvè intrè Chuiche dè totè lè kotsè.
Mé chu léchia dre ke, mimamin ou Konchèye Fèdèral, l’an keminhyi a dèvejâ, vo lécho dèvenâ: èbin, in anglé! Bin chure ke chin y gânyè dou tin. Vo chédè prà le tin ke fô po prindre na dèchijyon, din chi payi. L’anglé va-the rakuchi la dichkuchyon? Pâ chure!
Lè boutekè, lè gajètè, lè j’anonthè a la radio è a la télé, chon gayâ totè din ha linvoua. Vo j’alâdè por atsetâ kotyè nipè a bon matchi, ou tin di «soldes», vo l’i trovâdè tyè di j’âyon mônè: «Sale».
Ma vouê, i ché prà ke fô vivre avu chon tin. I chu tru viye por aprindre l’anglé, mè fâ pâ invide d’ayeu. Adon no j’an mèyà dè chobrâ idyo, è dè dèvejâ in patê dè vêr-no!
Anne Marie Yerly

Quatre langues

Notre pays est bien gâté. Il y a de quoi bavarder, babiller, jargonner, batailler, degoiser, papoter et « mener les mâchoires » en plusieurs langues. Du français, du romanche, de l’italien et de l’allemand. En plus de cela, il y a, bien sur les patois. Cela fait un gros mélange, quand l’on se trouve entre Suisses de toutes les régions.
Je me suis laissée dire, que même au Conseil Fédéral, on a commencé à parler, je vous laisse deviner : et bien ,en anglais ! Bien sur que cela gagne du temps. Vous savez bien le temps qu’il faut pour prendre une décision, dans ce pays. L’anglais va-t-il raccourcir la discussion ? Pas sur.
Les boutiques, les journaux, les annonces à la radio et à la télé, sont presque toutes en cette langue. Vous  allez pour acheter quelques nippes à bon marché, au temps des soldes, vous n’y trouver que des vêtements « sale ».
Mais oui, je sais bien qu’il faut vivre avec son temps. Je suis trop vieille pour apprendre l’anglais, ça ne me fait pas envie d’ailleurs. Alors nous avons meilleur de rester idiots, et de parler en patois de chez nous !
Anne Marie Yerly