Vouè, dechando katouârdzè, le patê va rètrovâ chè lètrè dè noubyèthe. Noubyo, l’irè dza du totavi, lè veré. Ma, rèkonyu, pa tan chovin. Tan grantin l’an dèkrelandâ, mèpriji, avutrâ. Mimamin di «bon» patêjan kritikâvan lè dzin ke dèvejâvan pâ kemin là. Pê mâlà, chin l’i a fê grô touâ .

Nouthra linvoua n’in d’è pâ-mé inke. Ou dzoua d’ora l’è rèchpèktâye.Le Konchèye Fèdèral, ou mi dè dèthanbre dou mile djij’è-vouète l’a rèkonyu le patê kemin Linvoua Minoritêre, è po bin fithâ chi l’anà, le patê cherê le rê dè la Dzournâ dou Patrimoine, ou tsathi dè Bulo.

Chi Rê cherè rèchu in grô l’apara! Dou tsan, dou téâtro, di lèkturè, di rinkontrè, di bi j’ètsandzo.

Tsakon n’in d’arè po cha fan. Mimamin lè dzin ke le dèvejon pâ l’aron l’èpâhyo dè fére cha konyechanthe. L’è pyin dè retsèthe, dè poéji è dè chapyinthe.

Binvinyête ou tsathi!

Anne Marie Yerly

Reçu comme un roi

Aujourd’hui 14, le patois va retrouver ses lettres de noblesse. Noble, il l’était depuis toujours, c’est vrai. Mais reconnu, pas très souvent. Si longtemps, il fut anéanti, méprisé, trainé dans la boue. Même de «bons» patoisants critiquaient les gens qui ne le parlaient pas comme eux. Malheureusement, ceci lui a fait grand tort.

Notre langue n’en est plus là. Aujourd’hui elle est respectée. Le Conseil fédéral, en décembre 2018 a reconnu le patois comme langue minoritaire, et pour bien fêter cet honneur, le patois sera le Roi de la Journée du Patrimoine, au château de Bulle.

Ce Roi sera reçu en grand apparat. Du chant, du théâtre, des lectures, des rencontres et de beaux échanges.

Chacun en aura pour sa faim. Même les gens qui ne le parlent pas auront l’occasion de faire sa connaissance. Il est plein de richesses, de poésie et de sagesse.

Bienvenue au château!

Anne Marie Yerly