Drôlo dè mondo

En patois
En français

Y-vo yu arouvâ chi grô l’Onhyo Sam dzôno, a Davos! Gayâ in mimo tin ha pitia Greta, pyêna dè korâdzo a dè volontâ. Chin l’è vertâbyamin l’èmâdze dou mondo dè vouè.

Vo chédè kemin mè ke lè grô l’an mé dè povê tyè lè piti. Ma fô pâ dre dinche. Lè piti riô fan lè grôchè rivyérè. No j’an, no-mimo, prà dè piti riô a konbyâ.

No puin keminhyi pê lè piti chatsè ke volon no bayi, dè fouârthe, din lè magajin. Vo j’atsetâdè on piti rin, vo fô on chatsè, ma, toparê na! Le pan dou bolondji dou velâdzo l’è than kou mèyà tyè chi di grôchè boutekè ke krèchon kemin lè tsanpinyon din to le payi. Nouthre n’ivouè lè bouna, hâra, frètse, adon ke chuvin yô i bêvon din lè goyè. A propou d’ivouè, l’è yu ouna dama, pâ la mindra chédè-vo, pachâ dèjo l’ivuè  bin tsôda, totè lè j’éjè, po lè pachâ apri, din la machina a lavâ. Fô ithre retso è pâ tan malin po n’in d’arouvâ inke!

Apri to chin, fô pâ pyorâ, fô rintyè chobrâ lè dou pi chu têra. Ha poura têra, nouthra bouna dona, ke tsê in èkouéchè.

Anne Marie Yerly

 

 

Drôle de monde

Avez-vous vu arriver ce gros oncle Sam jaune, à Davos? Presque en même temps cette petite Greta, pleine de courage et de volonté. Ceci est vraiment l’image du monde d’aujourd’hui.

Vous savez comme moi que les grands ont plus de pouvoir que les petits. Mais, il ne faut pas dire ça. Les petits ruisseaux font les grandes rivières. Nous avons quand même quelques petits ruisseaux a combler.

Nous pouvons commencer par les petits sacs qu’on veut toujours nous donner, par force, dans les magasins. Vous achetez un petit rien, il vous faut un sac, mais, sapristi, non! Le pain du boulanger du village est cent fois meilleur que celui des grandes boutiques qui croissent comme des champignons dans tout le pays. Notre eau est bonne, claire, fraîche, alors qu’à certains endroits l’on boit dans les gouilles. A propos d’eau, j’ai vu une dame, pas la moindre savez-vous, passer sous l’eau courante, chaude, toute sa vaisselle, avant de la mettre en machine! Il faut être riche et pas trop malin pour en arriver là!

Après tout ça, il ne faut pas pleurer, il faut seulement rester les deux pieds sur terre. Cette pauvre terre, notre bonne mère, qui tombe en ruines.

Anne Marie Yerly

Catégorie: 

Annonces Emploi

Annonces Événements

Annonces Immobilier

Annonces diverses