L’i a dè chin poutithre chuchant’an, din le galé velâdzo d’Échê, le réjan dêvechê inchtruire ouna thinkantanna dè j’infan. Fiyètè è bouébo dè chat’an, tantyè a chèdzè. Moujâdè on bokon!

Môgrâ chin, n’in d’è kan mimo chayê di to chuti è di totè fênè. Pâ chin pêna. Fô chavê k’a chi momin, din lè velâdzo l’i avi tyè le réjan ke chavi ôtyè. Lè parin le chotinyan fêrmo. Pâ tyachon d’alâ kontre.

Lè to piti, ke l’avan rin yu d’ôtro tyè la méjon è lou dona, iran têrubyamin èpouiri. Chavan a pêna le franché è i tutèyivan to le mondo. A kou dè bâthon chovin, le réjan koridjivè to chin.

A on bouébelè, onko bin châdzo è dè bon keman, inpochubyo dè li fére konprindre ke fayi pâ tutèyi le réjan. Chi inke, por on kou bin pahyin, l’a pâ tru dèpuchtâ po keminhyi. Ma, on kou ke l’è j’ou on bokon…