Adju mon triko, mon tsapi nê, mon jilè è mè tsôthè dè frotson. D’uche a kotyè dzoua le furi cherè inke por adèbon. Por vo, mè j’âyon d’evê, l’è le momin dè dremi, tantyè a Tolèchin, din vouthra mâla, chu lè têréchè.
Rèmarhyin a vo dè no j’avê rètsoudâ è tinyi ou tsô to l’evê. Bouna rèpojâye è a rèvêre! D’uche a pou, le bredzon, la kapèta è le loyi vo rinpyathèri adèbon, din nouthrè chayêtè. Tantyè a l’outon, vê la Chin Martin.
Por-no, lè Barbu dè La Grevire, l’è nouthra vithire dè rèyuva – Po le frê, lè dzalêrè, la bije nêre, la nê… enfin l’evê, l’è le triko. Du Pâtyè a Totè j’Ârmè, por no l’è la vihire dè tridzo, d’armayi. Le bredzon ke no pouârtin avu n’a «modèchte fyèrtâ».
Lè barbu rèprèjinton (chu lè gajètè, ou «karon vijenê», lè kortéje, lè fithè) lè j’armayi, lè vajiyê, lè fretyi,…