Deché-delé

Kan on yê La Grevire dè demâ d’la chenanna dèvan, li-ya ôtyè ke fâ tarubyamin mô ou kà. Gaby Luisoni, k’lè jou bin di jan direkteu dè l’èpetô dè Riaz, no bayè a chintre chin ke va chè pachâ avu nouthr’èpetô. A Friboua, y volon to chè fotre din la fata, è po lè dzin d’la Grevire, d’la Yanna è d’la Vevéje l’ou châbrèrè tyè lè j’yè po piorâ. L’è poutithre le gran momin ke lè Gruvèrin chè rèvèyichan è ke trovichan on Kolin Tsenô por alâ chèkàre Friboua.

Li-ya pâ vint’an ke lè kemounè d’la Grevire chè chon chanyi po fére chi bi l’èpetô kon konyè. Kan on vê chin ke chè pachâ a Rennaz, po lè Vôdouâ è lè Valijan, on pou chè fére dou pochyin po l’avinyi.

Avu lè j’èlèkchyon ke van arouvâ ou mi dè mâ dè l’an ke vin, lè j’otoritâ di kemounè d’la
Grevire l’an dza prou dè travô in yuva por…