Deché-delé

Chi galé chovinyi l’è jou èkri pê Isabelle Cordey-Vallélian. Inke la tradukchyon in patê.

Tè chovin-the dou fourdâ a ta Mére-Gran? Le tâtso dou fourdâ a Mére-Gran irè d’inparâ la roba k’irè in dèjo. Ma achebin: I chêrvechê dè gan po rèteri la pila ardinta du le forni. Irè na mêrvèye por èchuyi lè lègremè di j’infan, è di kou achebin, po panâ lè pititè dzoutè botsâyè.

Du la dzeniyire, le fourdâ alâvè bin po portâ lè j’à, è du tin j’in tin, lè pudzin.
Kan lè j’invelè arouvâvan, le fourdâ chêrvechê d’êvri i j’infan èpouiri. Kan le tin irè frê, Mére-Gran l’i ch’inbortoyivè lè bré.

Chi bon viyo fourdâ fajê ofitho dè chohyè, por atuji le fu dè bou. L’è li ke tragalâvè lè pre dè têra è le bou, tantyè a l’othô. Du le kurti, i chêrvechê dè panê po ti lè kurtiyâdzo. Du ke lè piti pê iran…