Deché-delé

Kemin on voyâdzo din le viyo tin, on farmo galé lêvro l’è chayiê l’outon pachâ. Roland Tsarêre ke l’a pachâ tota cha ya a Bulo no bayè oun’aproutse dè chin k’irè Bulo ke l’a yu krèthre in mime tin tyè li. Fô dre k’lè jou «architecte» è ke lè pyan dè bin di bâtiche l’an cha grifa.

L’è binvinyê dè rapalâ kemin lè dzin vèkechan chinpyamin din chi tin è to alâvè bin min rido tyè ora.

Vinyê ou mondo in trintè-dou, Roland no kontè ke chon premi dzoua d’èkoula l’è tsejê in mime tin tyè la mobilijachyon dè trintè-nâ. È in n’apri, le tin d’la dyêra fajê ke lè dzin dèvechan chè kontintâ dè pou, chuto avu le rachyonèmin. Po lè j’infan, lè dèmori n’iran pâ ache inbouèlâ tyè ora. Avu chon koujin Djan-Djan Déforel, prou chur dza atan fâchèyà, dou mim’âdzo tyè li, Roland no bayè a agothâ lè…