Deché-delé

Li a kotyè djijannè d’an, lè mihyi d’artijan iran vouâ a modâ a dèbon avui lè viyo è lou chavê. L’è vré ke bin di viyo mihyi chè chon pêrdu è chuto to le vokabuléro ke va avouê. I moujo ou mihyi dè châron ou bin i j’inkotsâre, i tsarotê. Totè lè badyè po tsêrèyi avui lè tsavô l’avan di non patê. N’in d’a pâ mé tan ke châvan lou non è onko min ke lè j’inpyêyon.

Ma pâ ti lè viyo mihyi chon tsejê in èkouéche! N’in d’a ke chè chon modèrnijâ bin chur è di j’ôtro ke chè fan adi prà a la man. I moujo in partikuyé ou mihyi dè chalê. Hou j’artijan dou kouê ke travayon adi avui di viyo j’outi. Le chavi-fére l’è chobrâ. Li a kotyè machinè è tèkenike in dèpye achurâ.

Ke chêyè po di rimo dè hyotsètè, de l’afére po apyèyi lè tsavô ou lè montâ, di piti cha, di hyinteron, le dèchu di…