Deché-delé

Règordjin dè bouneu, Goton è Luvi vinyon pachâ lou premire né dè maryâdzo din on’ôtèl dè bon rènon. Kemin vo le chédè, la kothema dèmandè ke le dzouno maryâ tringalichè la maryâye din chè bré tantyè k’ôchan pachâ le lindâ dè lou pêyo.

Du dêrê chon burô, la damejala dè la rèchèpchyon, on bokon mô prêcha, lou fâ:
– Vo kouâjo la binvinyête, ma maliràjamin, mè fô vo dre ke vouthron pêyo l’è ou vintchimo l’ètâdzo è ke la kâja-lèvinta lè in pyan du yêr a né.

Chufijin, le dzoun’èpà li rèbrekè:
– Pouârtè rin! Po grapiyi lè j’ègrâ, la portèri. Redyè kemin la ryondêna ke rètràvè chon ni ou furi, Luvi inpunyè cha Goton è ch’atakè i premi j’ègrâ.

Ou premi l’ètâdzo cha Goton li fâ:
– Mon Luvi, l’é ôtyè a tè dre!
Galéjamin, Luvi li rounyè la parola:
– Ma grahyàja Goton, te mè deri chin pye tâ,…