Tsapala Chin-Djan-Batichte ou Prâ

Lè Luvi Franiyére ke l’a bâti la tsapala in mil-chithin trintè-trè. Lè Franiyère iran ouna famiye bin in yuva din le Payi è Kràja dè Tsarmê. Iran fretchi, martchan dè fre, dè chêya, è krèditâ. Portyè a-the bâti chi chanktuéro? Po rèmarhyâ le Bon Dju po cha bouna fortena? L’è bin pochubyo! Ma din lè j’an mil-chithin trinta – mil-chithin thinkanta, ouna grâva kouèrla chèvechê in Chuiche. Tsarmê n’è pâ j’ou èparnye. L’a fayu kotâ le mohyi. Lè j’ofitho iran prèyi din la tsapala Chin-Djan-Batichte batanta nàvoua. Lè mouâ chon j’ou intèrâ din le prâ outoua dè la tsapala. Kan iro bouébo, mè chovinyo bin, no j’an djamé yu di bithè dèkuti chu chi bokon dè têra. L’è to dou lon j’ou fènâ. Ora, l’è ouna pyathe dè dètinta. Ou dzoua d’ora, la tsapala l’è dèvinyête ouna tsapala ardinta.