Vouéro dè tradihyon ègjichton din nouthra kotse ? Chin pu pâ vo dre. Ma chin ke l’è chur, l’è ke n’in d’a proumatêre è ke li a on mache dè pititè kothemè k’on konyè pâ. Pê tyinton, pê dichtri, pê velâdzo, din lè famiyè, …
Din la kràja de l’Intyamon, n’in d’a ouna ke chè fâ le tyindzè dou mi d’ou. Chi dzoua inke, kotyè chochyètâ dè dzouno de la kotse, l’an po kothema d’alâ betâ in lumyére ouna krê chu on ketsè dou velâdzo. Du yô i vin ha tradihyon ? N’in ché rin ma chin m’an kontâ lè viyo, l’è ke fâ grantin ke chin chè fâ. Ou granvelâ, l’è la krê dou Kyà. A Êrbivouè, la krê dè l’Ârtse. L’è jou on yâdzo yô la krê d’Intrè-Dou-Din irè achebin èhyiri pê la dzounèche dè Nêrivouè.
Ha galéja kothema chè mintin po kotyè chochyètâ dè dzounèchè ke prinnyon la pêna dè grèpiyi avu to chin ke fô po ke ha krê chè vèyichè du yin din la né. Kan i djo to chin ke fô, moujâdè bin ke l’an rin oubyâ ! Panyi la topèta dè bleu ke chè mèhyè tan bin a l’ivouè frêdè d’on no dè montanye !
Adon, le tyindzè dou mi d’ou, lèvâdè pi lè j’yè chu nouthrè ketsè, pout-ithre ke vo j’arê ouna pitita chorèprêcha !
Romain Pittet
Une belle coutume
Combien de traditions existent dans notre région ? Ça je ne peux pas vous dire. Mais ce qui est sûr, c’est qu’il y en a beaucoup et qu’il y a une ribambelle de petites coutumes que l’on ne connait pas. Par canton, par district, par village, dans les familles…
Dans la vallée de l’Intyamon, il y en a une qui a lieu le 15 août. Ce jour-là, quelques sociétés de jeunesses du coin ont pour coutume d’aller illuminer une croix d’un sommet de leur village. D’où nous vient cette tradition ? je ne sais pas, mais d’après les anciens, ça fait longtemps que cela se fait. A Grandvillard, c’est la croix du Kyà. A Albeuve, la croix de l’Arche. Il fut un temps où la croix d’Entre-deux-Dents était également éclairée par la jeunesse de Neirivue.
Cette jolie coutume se maintient pour quelques sociétés de jeunesses qui prennent la peine de crapahuter avec tout ce qu’il faut pour que la croix se voit de loin la nuit. Quand je dis tout ce qu’il faut, pensez bien qu’ils n’ont rien oublié ! pas même la topette de bleu qui se mélange tellement bien à l’eau fraîche d’un bassin de montagne !
Alors, le 15 août, levez les yeux sur nos vanils, peut-être que vous aurez une petite surprise !
Romain Pittet