Chinbyè pâ, ma l’i a dza djij’è chat’ an ke vo yêdè le Deché Delé din nouthra gajèta; chin fâ dza mé dè vouè-thin mèchâdzo. Tyè n’in ditè-vo?

Prà dè dzin m’an rèmarhyâ, m’an èkri, m’an propojâ di j’ichtouârè ke l’é betâ avu pyéji. Lè rèmârhyô ti, mimamin le galabontin ke m’invouè di lètrè pindâbyè. Di konpyumin, pâ po dre, ma, l’è damâdzo ke l’a djamé j’ou le korâdzo dè chinyi, l’ari pu li rèpondre, ou mintè po rire n’a mouâcha.

No chin intrè Tsalandè è le Boun’An; vo kouâjo a ti: «To dè bon po l’an katouârdzè, chindâ, amihyâ è tsèvanthe». Dè ma pâ, i tâtsèri dè vo chatifyâ ou pye pri dè mon modèchte chavê, din on patê pâ tru machakrâ, è avu tota me n’amihyâ.

Bon dzoua dè Boun’An!

Anne Marie Yerly