In franché chè di «la grue», in patê la gruva. I moujo a chi bi l’oji ke lè konto dè Grevire l’an rèyi po betâ chu lou drapô. Chu fon rodzo, la gruva d’ardzin flotè fyêrtamin chu tota la kontrâ.

Vo puédè vêre di gruvè brodâyè chu di redyô din prà dè méjon. Chu di drapô, di pyati, di tsanè, di vêro, di potè; in pintura, chkultâye… ma l’oji li-mimo, no l’an djamé rè yu. Chi migrateu l’è pâ rèvinyê, on chè dèmandè portyè.

Kan vo pachâdè y j’alintoua dè Bulo… adon vo puédè admirâ ti hou grô è gran bi j’oji dè fê, chon dzôno. I fan ou mintè trinta mêtre dè hô, l’an di gran bré tindu vê la yê. I chinbyon chuplèyi le bon Dyu, ou bin poutithre l’i dèmandâ pardon!

Oji dè pyàmè ou bin oji dè fê? Lè konto l’an pu rèyi, lè novi chinyà dêvon bâti!

Anne Marie Yerly