Di goutyé n’in d’a adi ou dzoua d’ora. Bêvon pâ tyè de la gota, ma dè totè chouârtè dè trobyon, dè la bourtyâ môchanna. No chin achebin j’ou dzouno, no j’an j’à nouthron pachâdzo dè banboula, no j’an achebin pintolâ, goyachi, foumâ è menâ la bringa. Poutithre pye pèjubyamin tyè ora.

Fô rèmontâ vouètant’an in arê po vo kontâ chin ke l’è arouvâ din on kabarè de la kotse: On viyo goutyé, dza bal-é-bin inprê, dzoukâvè a na trâbya, la gota ou nâ è lè j’yè lijin.

To por on kou l’è arouvâ on moncheu ke ch’è achètâ in fathe dè li. On omo to chinpyo. L’an keminhyi a batoyi dè choche è dè chin. Le choulon, benéje dè chè gabâ, l’i a èchplikâ kemin fajê po brouyi lè kârtè: «Vo vêdè moncheu, chu inke, a ma trâbya, trantyilo, la chomyére mè konyè, le patron achebin. Adon, i kemando trè dèthi dè goute. I beto la botoyèta din ma fata, pu du tin j’in tin y rafontho din mon vêrelè. Vo chédè ke l’è intêrdi dè chêrvi otyè d’ôtro tyè on kretyu a la vê. Dinche, kan le jandârme y arouvè, chu trantyilo.»

Trantyilo? In fathe dè li, l’avê on jandârme in kondji. Chtiche l’a rin de, ma l’a bin ruju intrè li.

Anne Marie Yerly

Un buveur pas très futé

Des buveurs de goutte il y en a encore aujourd’hui. Ils ne boivent pas que de la goutte, mais toutes sortes de godailles, de mélanges malsains. Nous aussi avons été jeunes, nous avons eu notre passage de bamboulas, nous avons aussi «pintolé», fumé et bringué. Peut être plus paisiblement que maintenant.

Il faut remonter à bien huitante ans pour vous raconter ce qui est arrivé dans un café du coin: Un vieux soulard, déjà pas mal allumé, était tranquillement attablé, la goutte au nez et les yeux brillants.

Tout à coup est arrivé un monsieur qui s’est assis en face de lui. Un homme tout simple. Ils ont commencé à bavarder de ceci et de cela. Le soulon, heureux de se vanter, lui a expliqué comment il s’y prenait pour brouiller les cartes: «Vous voyez monsieur, je suis là, à ma table, tranquille, la sommelière me connait, le patron aussi. Alors, je commande trois décis de goutte. Je mets la petite bouteille dans ma poche, puis de temps en temps j’en rajoute dans mon petit verre. Vous savez que c’est interdit de servir autre chose qu’un petit verre à la fois. Ainsi, quand le gendarme arrive, je suis tranquille.

Tranquille? En face de lui, il y avait un gendarme en congé. Celui-ci n’a rien dit, mais il a bien ri.

Anne Marie Yerly