Prà dè dzin, dzouno è min dzouno, âmon adi bin le pâtê. N’in d’a prà ke l’an fan dè l’aprindre po povê le dèvejâ, le yêre è, portyè pâ dzuyi le téâtro. L’i a dza di galéjè tropè dè dzouno ke ch’in tiron fêrmo bin, fô chuto pâ lou fére dè l’onbro ma lè j’inkoradji a kontinuâ.

Kotyè pèrchenè l’an j’ou on boun’idé in dèchidin dè fondâ na tropa dè téâtro din la kotse dou Dzubyà. Vo chédè ke chta kotse l’è grôcha è ke le patê l’a rin dè frontêrè. Adon ti hou ke volon fére partya dè chta novala tropa, po dzuyi ma achebin por organijâ, betâ in thêne, fére di dèkouâ è portyè pâ èkrire di novalè pithè, cheron lè binvinyê po na premire rinkontra:

a Chorin, ou Chêhyio, le devindro 18 dè juyè a 20 àrè

Mé no cherin, mi i oudrè. Lè Marielle Romanens, Thomas Raemy, Daniel Fracheboud, Julien Sudan, Jacques Python, Robert Bochud è Denis Romanens ke l’an betâ l’idè chu la trâbya. Ora l’è a ti lè j’ami dou patê dè koujenâ totè hou bounè tsoujè po n’in fére ôtyè dè cholido è chavouryà. Vo chédè kemin le téâtro patê inpyè lè châlè, adon, n’ôché rin pouêre! Vinyidè ti no rètrovâ, no chin chur d’ithre chu le bon chindê!

Dèni Remanin

Du nouveau au pied du Gibloux

Bien des gens, jeunes et moins jeunes, aiment encore le patois. Beaucoup ont envie de l’apprendre pour pouvoir le parler, le lire, et pourquoi pas jouer du théâtre. Il y a déjà de belles troupes de jeunesse qui s’en tirent fort bien, il ne faut surtout pas leur faire de l’ombre mais les encourager à continuer.

Quelques personnes ont eu une bonne idée en décidant de fonder une troupe de théâtre dans la région du Gibloux. Vous savez que cette contrée est grande et que le patois n’a pas de frontières. Aussi, tous ces qui désirent faire partie de cette nouvelle troupe , pour jouer, mais aussi pour organiser, mettre en scène, faire les décors et pourquoi pas écrire de nouvelles pièces, seront les bienvenus pour une première rencontre:

A Sorens, Au Cercle des Agriculteurs le vendredi 18 juillet à 20 h «Plus nous serons, mieux ça ira».

C’est Marielle Romanens, Thomas Raemy, Daniel Fracheboud, Julien Sudan, Jacques Python, Robert Bochud et Denis Romanens qui ont mis cette idée sur la table. Maintenant c’est à tous les amis du patois de cuisiner toutes ces bonnes choses pour en faire quelque chose de solide et savoureux. Vous savez comme le théâtre patois emplis les salles, alors n’ayez pas peur! Venez tous nous retrouver nous sommes surs d’être sur la bonne voie.

Denis Romanens