Chti kou no l’i chin! Lè dzouno chon ètsapo po kotyè chenannè. L’è j’èkoulè chon kotâyè; l’an bin èkovâ, lavâ lè karon, rèkourâ din ti lè kâro, ouf!
L’an organijâ di fithè, di vèyiè, di marindè po la fin dè l’an. N’in konyecho ke l’an ramachâ ti lè papê, lè foyè dè dikté, lè dèvê è lè lethon, pu l’an to chin bourlâ din on grô tsafiru dè dzouyo. Lè mêtre iran pâ inke, pê bouneu, kotyè j’on l’aran poutithre richkâ d’avê lè j’êrtè chupyâ. Anfin to chè bin pachâ; dèjo la pyodze po kotyè j’on. Chin ke l’an pâ moujâ, l’è ke lè notè chon adi bin a chotha din lè burô de l’èkoula, l’è j’atindon po la rintrâye d’outon.
On rèvi dejê: «Mèfyâdè-vo di premi d’èkoula, in kontin tru chu là, mimamin lè j’oji krêvèran dè fan!» Aprindre chè pou fére parto, bin chure ke l’èkoula l’a che n’utilitâ, ma l’i a dou bon a prindre in totè j’okajyon.
On ètudyan, k’irè j’ou bin di j’an i j’ètudè, kudjivè on dzoua dè kondji, bayi on kou dè man a chon chènia pê lè j’èthrâbyo. Betâvan dedin lè modzon. Fayi lè nyâ in chi tin. Le moncholè irè pâ kapâbyo dè ch’in teri. Le chènia fâ intrè-li, in rônin è in chochpirin: «Chat’an dè koléje, è pâ fotu dè nyâ on modzon!»
Anne Marie Yerly
Il faut savoir
Cette fois nous y sommes. Les jeunes sont délivrés pour quelques semaines. Les écoles sont fermées; on a bien balayé, lavé les vitres, récuré tous les coins, ouf!
Ils ont organisé des fêtes, des soirées, des soupers pour la fin de l’année. J’en connais qui ont ramassé tous les papiers, les feuilles, les devoirs et les leçons, puis ils ont tout brûlé dans un grand feu de joie. Les maîtres n’étaient pas là, heureusement, quelques-uns auraient peut être eu les orteils brûlés. Enfin, tout s’est bien passé; sous la pluie pour quelques-uns. Ce à quoi ils n’ont pas pensé, c’est que les notes sont encore bien à l’abri dans les bureaux de l’école, elles les attendent pour la rentrée d’automne.
Un proverbe disait:» Méfiez-vous des premiers d’école, en comptant trop sur eux, même les oiseaux crèveraient de faim!» Apprendre peut se faire partout, bien sur que l’école a son utilité, il y a du bon a prendre en toutes occasions.
Un étudiant, qui avait fait plusieurs d’années d’études, tentait un jour de donner un coup de main à son père dans les étables. Ils rentraient les génisses. Il fallait les attacher en ce temps-là. Le petit monsieur n’était pas capable de s’en tirer. Le père fait ,en murmurant et soupirant: «Sept ans de collège et pas foutu d’attacher une génisse!»
Anne Marie Yerly