Chin ch’è pachâ l’i a dza kotyè j’an chu on patchi dè nouthra kotse.

On tourichte chè promenâvè parmi di bithè ke patherâvan. In gugin de ché è delé, l’a yu ouna vatse ke vilâvè. Intèrèchi, chè aprotchi po chin vouityi. In èfè, on galé vèlon irè kutchi inke, la vatse le lètchivè to bounamin. Pâ tan ou kouran di kothemè dè hou bithè, l’omo l’a moujâ: «Chi pouro vèlon, fudrè pâ ke l’ôchè frê!» L’a  adon ôthâ chon paletô po krouvâ la bèthèta. Fô dre ke hou vatsè iran pâ tan charvâdzè, iran adi aryâyè dou kou par dzoua, l’avan rin pouêre; pâ kemin lè j’alètintè.

Pu apri, ch’è rindu ou tsalè po kontâ a l’armayi chin ke l’avi yu è fê po ke le vi n’ôchè pâ frê. Le patron-armayi l’a rèmarhyâ le tourichte. L’i a de ke l’y avi rin d’èchtraordinéro inke, k’ouna vatse fachè chon vi fro ma k’oudrè l’apri po le betâ ou tsalè. Le moncheu chè fajê dou pochyin po chon paltô; l’armayi l’i a dèmandâ che dèvechê li payi che n’âyon! Nyon châ kemin l’afére chè fournête. Kemin ke chè chê pâ dèvan on dzudzo nè on avoka.

No j’an de la tsanthe, ti lè tourichte dèrandzon pâ lè bithè; n’in d’a ke chon bin intinhyenâ è ke rindon di bon chêrvucho. Lè prèjin rèchi  n’in dè la pràva.

Henri Niquille. Tsathi chu Monthêrvin

Un veau bien couvert

Ceci s’est passé il y a déjà quelques années sur un pâturage de notre région.

Un touriste se promenait parmi les bêtes qui pâturaient. En regardant de ci delà il a vu une vache qui vêlait. Intéressé il s’est approché pour observer. En effet, un joli petit veau était couché là, la vache le léchait doucement. Pas très au courant des habitudes de ces animaux, l’homme a pensé : « Ce pauvre petit veau, il ne faudrait pas qu’il prenne froid ! » il a alors ôté son paletot pour couvrir la petite bête. Il faut dire que ces vaches n’étaient pas sauvages, elles étaient encore traites deux fois par jour, elles n’avaient pas peur ;  pas comme les allaitantes.

Ensuite il s’est rendu au chalet pour raconter à l’armailli ce qu’il avait vu et fait pour que le veau n’ait pas froid. Le patron-armailli a remercié le touriste. Il lui a dit qu’il n’y avait rien d’extraordinaire là, qu’une vache fasse son veau dehors, mais qu’il irait le chercher pour le mettre au chalet. Le monsieur se faisait du souci pour son paletot ; l’armailli lui a demandé s’il devait lui payer son vêtement ! Nul ne sait comment l’affaire s’est terminée. Comme qu’il en soit pas devant un juge, ni un avocat.

Nous avons de la chance, tous les touristes ne dérangent pas les bêtes ; il y en a de bien intentionnés et qui rendent de bons services. Le présent récit en est la preuve.

Henri Niquille. Tsathi chu Monthêrvin