Bredzon è dzakiyon van dyora ithre a la fitha pê Bulo è La Toua. La Chochyètâ Kantonale di Moudè è Kothemè l’i fithèrè chè chaptantè think’an, lè thin, chê è chate dè chaptanbre.
Di tsan, di danthè è di galéjè vithirè chè van prèjintâ din on gran kortéje è di balè rèprèjintachyon, trè dzoua dè tin.
Le bredzon chè totavi portâ avui dinyitâ, in Grevire chuto. Le betâvan on yâdzo por aryâ pu piti a piti l’a prê chè lètrè dè noubyèthe. Chè pouârtè ora, avu na bala tsemije byantse, po la demindze è lè fithè , lè achebin la vithire dè prà dè chochyètâ dè tsan, dè mujika è dè danthe.
Le dzakiyon, l’i a na thinkantanna d’an, irè pâ tan chonyi, bin chovin teri du lè taréchè è betâ n’inpouârtè kemin. Ou dzoua d’ora, prà dè chochyètâ chon benéje dè le portâ. Di dzin chuti è dè bon go l’an inkoradji lè dzin a n’in fére di novi. Ora, i chon fêrmo bi. Lè kolà chon frètsè, lè mandzè balè byantsè è lè damè lè beton dè bon grâ. N’in d’a pâ-mé tan ke chin jénon dè le portâ.
Lè moudè l’an tsandji, bin chure. Fô bin chè dre ke le mondo pou pâ-mé vivre kemin l’i a thant’an. Chin no j’inpatsè pâ d’amâ nouthrè kothemè. Di novi tsan, di novalè danthè, chon adi konpojâ ou dzoua d’ora. L’è dinche ke l’ârma dou payi chè mantin, vidze è dzoyàja.
Anne Marie Yerly

Costumes et Coutumes

Bredzons et dzaquillons seront bientôt en fête à Bulle et La Tour-de-Trême. La Société cantonale des Costumes et Coutumes fêtera ses 75 ans, les 5, 6 et 7 septembre.

Des chants, des danses et de jolis costumes se présenteront dans un grand cortège et par de belles représentations pendant ces trois jours.

Le bredzon s’est toujours porté avec dignité, en Gruyère surtout. On le mettait jadis pour traire, puis petit à petit il a pris ses lettres de noblesse. Il se porte maintenant, avec une belle chemise blanche, le dimanche et les jours de fête, il est aussi le costume de beaucoup de sociétés de chant, de musique et de danses.

Le dzaquillon, il y a une cinquantaine d’années, n’était pas très soigné, bien souvent tiré du galetas et porté n’importe comment. Aujourd’hui, plusieurs sociétés sont heureuses de le porter. Des gens habiles et de bon goût ont encouragé les gens d’en confectionner de nouveaux. Voilà qu’ils sont fort beaux. Les couleurs sont fraîches, les manches bien blanches et les dames les portent volontiers. Il n’y en a plus beaucoup qui se gênent.

Les costumes ont changé, c’est sûr. Il faut bien se dire que le monde ne peut plus vivre comme il y a cent ans. Ceci ne nous empêche pas d’aimer nos coutumes. De nouveaux chants, de nouvelles danses sont encore composés aujourd’hui. C’est ainsi que l’âme du pays se maintient, vive et joyeuse.

Anne Marie Yerly