Dou korâdzo, fô n’in d’avê po fére de la konpètichyon. Din totè chouârtè dè vayinthè, ke chi la korcha, le chô in hôtyà, a la pêrtse ou bin ou Marathon. Vo j’i yu, prou chure kemin no, lè j’èpràvè dou «Championnats d’athlétisme» a Zurich chtou dzoua pachâ.

Dèkroutson pâ di medayè lè man i fatè è le nâ din lè j’èthêlè. Di dzouno ke chon i j’ètudè, ou bin in aprintechâdzo, i prinnyon chu lou j’àrè dè kondji po ch’intrinâ.

Ma, la glouâre l’è pâ totavi ou bè di j’èfouâ. L’è inke ke la cholidaritâ i intrè in linyè. Kan chè chon intrinâ inthinbyo, dè binda, ou momin yô i fô bayi on vayin kou dè bori, l’è po ti parê. Kan y arouvè on’inkupiyo, on mèkonto, on dê ti chè tinyi man, parê tyè din la ya. I chê a rin dè kondanâ hou ke chè chon on bokon tronpâ, lè fô pye chyâ inkoradji. Kemin l’èkipe dou katre kou than mêtre a Zurich.

Anne Marie Yerly

Une leçon d’amitié

Du courage, il en faut pour faire de la compétition. Dans chaque sorte de discipline, que se soit la course, le saut en hauteur, à la perche ou au Marathon. Vous avez vu, certainement comme nous, les épreuves du Championnat d’athlétisme à Zurich ces jours passés.

On ne décroche pas des médailles les mains aux poches et le nez dans les étoiles. Des jeunes qui sont aux études, ou en apprentissage, prennent sur leurs heures de congé pour s’entrainer.

Mais, la gloire n’est pas toujours au bout des efforts. C’est là que la solidarité entre en ligne. Quand ils se sont entrainés ensemble, en équipe, au moment où il faut donner un vaillant coup de collier, c’est pour tous pareil. Quand arrive un petit ennui, une déception, on doit tous se tenir par la main, comme dans la vie. Il ne sert à rien de condamner ceux qui se sont trompés, il faut plutôt les encourager. Comme l’équipe du quatre fois cent mètres à Zurich.

Anne Marie Yerly