D’ithre rètrètâ l’è on bi mihyi, ma tsakon le châ, por alâ in dèvan, i fô avê la chindâ. Po mantinyi la chindâ, on bon moyin kan on pou adi, l’è la mârtse.

Di chindê n’in dé prou fê, in Grevire bin chur, ma, on ke l’é chuto amâ, l’è le Chindê di Chorchyérè, ke modè du lè Colonbètè, è fâ on toua ou dèchu dè Vuadin. L’è Djan-Djan Dèforel ke l’a trachi è ke l’intrètin adi. In tsemin on trâvè la tanna d’la chorchyére, cha buya avu chè kanechon, è chè badyè po fére a medji.

Dariremin, on delon matin, chu lè j’ondè dè Radiô-Friboua, Djan-Djan no j’a kontâ l’ichtouâre dè chi chindê è l’a invinhyenâ ouna fariboula bin a li, a chè krèvâ dè rire.

Che vo j’in dé l’invide, vo rèkemando chi galé chindê, è in mime tin d’alâ medji na mouâcha ou rèchtoran di Colonbètè, tinyê ora pa di dzin dou «Clos Fleuri». I merton d’ithre chotinyê, chuto ke no chonyon bin è ke l’an chôvâ lè Colonbètè; chin l’è ôtyè!

Vonvon Kolly

Du côté des Colombettes

D’être retraité est un beau métier, mais chacun le sait, pour aller de l’avant, il faut avoir la santé. Pour maintenir la santé, un bon moyen quand on le peut encore, c’est la marche à pied.

Des sentiers, j’en ai beaucoup parcouru, en Gruyère bien sur, mais, celui que j’ai surtout bien aimé, c’est le Sentier des sorcières qui monte des Colombettes et fait un tour au-dessus de Vuadens. C’est Jean-Jean Déforel qui l’a tracé et qui l’entretient encore. En chemin, on trouve la «tanière» de la sorcière, sa lessive, avec ses caleçons et ses ustensiles de cuisine.

Dernièrement, un lundi matin, sur les ondes de Radio-Fribourg, Jean-Jean nous a raconté l’histoire de ce sentier et il nous a inventé une gaudriole bien à lui, à se tordre de rire.

Si vous en avez l’envie, je vous recommande ce joli sentier, et par la même occasion, allez manger une bonne «morce» au restaurant des Colombettes, tenu maintenant par les gens de «Clos Fleuri». Ils méritent d’être soutenus, surtout qu’ils nous soignent bien et qu’ils ont sauvé les Colombettes; ça, c’est quelque chose!

Vonvon Kolly