Du yô vin-the, chi drôlo dè non : Nikolé ? Din le viyo tin, ma achebin adi ou dzoua d’ora,  kan i bayon le non dè Nicolas a on infan, chè di Kolin ou bin Kolâ, in patê, pâ Nikolé. L’i a-the kôkon ke pou no j’èchplikâ chin?
Todzoua è-the ke,  lè premi dzoua dè dèthanbre, lè j’infan chè rèdzoyon po la Chin Nikolé. N’in d’a adi ke l’i krêyon,kan bin  in dou mile katouârzè, on pou pâ-mé  lou fére avalâ n’inpouârtè tyè. L’è tan galé dè vêre hou piti ke chon bènirà, ma k’apriyindon achebin dè le vêre arouvâ.
On chovinyi mè rèvin dè mon dzouno tin: Mon piti frârè l’i krêyê adi, a think’an. Ma l’avi pâ lè j’yè a cha fata. L’a bin vouityi arouvâ le Chin è chè dou matsourâ. Chè betâ a dzènà po fére na pitita prèyire, kemin le Chin le li dèmandâvè. Ma…kan l’è j’ou fro, i di a ma dona: «Portyè chin Nikolè l’a betâ lè botè a onhyio Djan?»
Le tsôtin d’apri, adon ke fourgenâvè pê chu lè taréchè, l’a trovâ lè j’âyon din na mâle! Adon l’i a pâ-mé j’ou moyin dè  l’i dre di dzanyè. Anne Marie Yerly


Saint Nicolas
D’où vient-il ce drôle de nom Nikolé. Dans le vieux temps, mais aussi aujourd’hui, quand on donne le nom de Nicolas à un enfant, on dit Kolin ou Kolâ en patois, pas Nikolé. Y a-t-il quelqu’un qui peut nous expliquer ça?
Toujours est-il que les premiers jours de décembre les enfants se réjouissent pour la St.Nicolas. Il y en a encore qui y croient, bien que, en 2014, on ne peut plus leur faire avaler n’importe quoi. C’est bien joli de voir ces petits qui sont heureux, mais qui appréhendent  aussi de le voir arriver.
Un souvenir me revient de mon enfance: mon petit frère y croyait encore, à 5 ans. Mais, il n’avait pas les yeux dans sa poche. Il a bien regardé arriver le Saint et ses deux mâchurés. Il s’est mis à genoux pour faire une petite prière, comme le Saint le lui demandait. Mais…quand il fut sorti, il dit à ma maman: «Pourquoi St Nicolas a mis  les souliers de l’oncle Jean?»
L’été suivant, en farfouillant dans le galetas, il a trouvé les habits, dans une malle! Alors, il n’y a plus eu moyen de lui dire des blagues.