In voyâdzo i Philippines, nouthron bon Chènia dè Ràma, l’a fê grôch’inprèchyon. Chi inke, y voyadzè pâ po rin! Parto yô i pâchè i pouârtè, avu chon bon fôri, on ègjinpyo dè pé è dè boun’intinta.

Yin dè totè lè chindzèri ke no j’an yu è oyu, cht’ou tin pachâ, chi l’omo inchpirè la bontâ è inpoujè le rèchpè. Modèchte, i lodzè din on tinyèmin kemin on chinpyo prithre dè kanpanye, i âmè pâ lè konpyumin è lè dyindyètè. L’a la titha chu lè j’èpôlè è lè dou pi chu têra. Ch’inkobyè pâ dè rètrahyon è dè bi lingâdzo, ma kan l’a ôtyè a dre, i betè pâ di gan. Anfin, avu chi, l’è pye fachilo dè krêre.

Vo j’i poutithre apêchu, l’ôtri, kan l’è arouvâ léva-lé,on prèkô de l’indrê l’è vinyê a cha rinkontra amon lè j’ègrâ de l’avyon. A chi momin, on kou d’oura l’a pachâ. La chotanna l’a frebiyi, è la kapèta biantse dou Pape chè invôlâye din lè j’ê. È bin, Franthê l’a kudji l’i kore apri po la ramachâ, to chinpyamin… on ôtro l’arè atindu ke kôkon la li rapêrtsichè. Vo mè derâ ke chin, i chinbyè pou d’afére, ma inke, on vê ke le Pape chàbrè on omo. Pri di j’omo, pri dè no.

Anne Marie Yerly

La capette de notre François

En voyage aux Philippines, notre bon papa de Rome a fait grande impression. Celui-ci ne voyage pas pour rien. Partout ou il passe, il apporte, avec son bon sourire, un exemple de paix et de bonne entente.

Loin de toutes les bêtises que nous avons vu et entendu, ces temps passés, cet homme inspire la bonté et impose le respect. Modeste, il loge dans un appartement comme un simple curé de campagne, il n’aime pas les compliments et les fantaisies. Il a la tête sur les épaules et les deux pieds sur terre. Il ne s’embarrasse pas de courbettes et de beau langage, mais lorsqu’il a quelque chose à dire, il ne met pas des gants. Enfin, avec celui-ci, il est plus facile de croire.

Vous avez peut être aperçu, l’autre jour, quand il est arrivé là-bas, un notable de l’endroit est venu à sa rencontre au-dessus des escaliers de l’avion. A ce moment, un coup de vent a passé. La soutane a frémi et la calotte blanche du pape s’est envolée dans les airs. Et bien François a aussitôt tenté de l’attraper, tout simplement… un autre aurait attendu que quelqu’un la lui ramasse. Vous me direz que c’est peu de chose, mais là, on voit que le pape reste un homme. Près des hommes, près de nous.

Anne Marie Yerly