Vê lè Romin, le dyu Mars irè le dyu dè la dyêra. L’è pâ po rin. Du l’i a farmo grantin i dèvejon di j’èbudalâyè dè mâ. Mâ l’è on mê batayèri, y pou no fére di balè chorèprêchè.

Che fèvrê fâ pâ chon dèvê, mâ le fâ. Chti’an fèvrê l’a bal è bin fê chon dèvê. Dè mâ, no l’i chin tyè i premi dzoua, ma no j’an dza yu prà dè chèlà, prà dè pyodze è prà dè nê.

Di rèvi chu chi mê, n’in d’a na panèrâ. Vo lè deri pâ, vo lè konyidè bin.

Ou mi dè mâ, lè j’oji chè rèbeton a tsantâ. Demâ matin a chi j’àrè le kurva rodze tsetsèyivè a dou pâ dè ma fenithra. Ti lè matin, on chpatse ke l’è aprovèyi chti l’evê, chè tin a la ruva de la louyèta, l’i bayo dou pan, l’è rin pouirà. On le rèkonyè bin, l’a duvè pyàmè biantsè.

On bi chovinyi, l’è la têrachèta ke montâvè ti lè matin vê le chèlà; chon ni irè muchi din on tsan, dèvan vêre no… chi tsan ou dzoua d’ora, l’è krouvâ dè méjon. La têrachèta tsantè yô? Vo le dèmando.

Mayintsètè, korbé, vêrdannè,tyinthon, mêrlo è agachè, to chi piti mondo ch’inkotsè po le furi. L’an rètrovâ dè tyè lou gouêrnâ a lou fan. Porvu ke trovichan adi kotyè j’âbro.

Anne Marie Yerly

Le mois de mars

Chez les Romains, Mars était le dieu de la guerre. Ce n’est pas pour rien. Depuis fort longtemps on parle des giboulées de mars. Mars est un mois batailleur, il peut nous faire de belles surprises.

Si février ne fait pas son devoir, mars le fait. Cette année février a fait son devoir. De mars, nous n’en sommes qu’aux premiers jours, mais nous avons vu déjà pas mal de soleil, pas mal de pluie et pas mal de neige.

Des proverbes sur mars, il en existe un plein panier. Je ne vous les dirai pas, vous les connaissez bien.

Au mois de mars les oiseaux se remettent à chanter. Mardi matin à six heures le rouge-queue gazouillait à deux pas de ma fenêtre. Tous les matins, un moineau que j’ai apprivoisé cet hiver, se tient au bord du balcon, je lui donne du pain, il n’est pas peureux. On le reconnait bien, il a deux plumes blanches.

Un beau souvenir d’il y a quelques années, c’est l’alouette qui montait tous les matins vers le soleil; son nid était caché dans un champ, devant chez nous… ce champ aujourd’hui est couvert de maisons. L’alouette chante où? Je vous le demande.

Mésanges, corbeaux, verdiers, pinsons, merles et pies, tout ce petit monde se prépare pour le printemps. Ils ont retrouvé de quoi se nourrir à leur faim. Pourvu qu’ils trouvent encore quelques arbres.

Anne Marie Yerly