Le tèlèfone l’è oun’invinhyon ke l’è bin utila. Chuto du ke no puin le prindre din la fata è tyirâ nekoué on và, kan on và.

E du ke l’è pâ-mé apondu a la parê pê chon kordon, vo puédè batoyi le tin ke fô (anfin pâ tru grantin kan mimo) tot’in fajin le goutâ, in vo promenin ou bin in gugin le kurti yô lè mônè keminthon a krèthre.

Ma, kemin to le mondo, vo j’ithè chovin dèthorbâ pê ha chenayèta ke no vin du ché pâ yô. On numèrô inpochubyo a rèkonyèthre. Vo j’alâdè kan mimo rèpondre, on châ djamé. Ouna vouê pouintya vo dèmandè vouthron non adon ke cherè a li dè chè prèjintâ. Bon. Pu apri vo dèbyotè di j’ânèri: Voli-vo fére on bi voyâdzo? I-vo fôta dè tsandji dè ya? Ouna pomârda? L’avinyi poutithre?

N’in d’a ke lè léchon dèvejâ ouna vouêrbèta. Di j’ôtro chè korothon. Pâ moyin dè ch’in dèbarachi chin ithre on bokon krâno.

Chon j’ou avêrti, portan, l’è adi parê, chè dèkoradzon pâ. Dutrè yâdzo pêr dzoua. Dè tyè vinyi inradji. Ché prà ke hou ke fan chin, l’è po gânyi lou ya… ma l’è achebin po puri la nouthra.

Adon, no j’an trovâ poutithre la bouna choluchyon po ch’in dèbarachi. A no, no bayè na bouna mouâcha a rire. Achtou ke no vêyin ke l’è on numèrô on bokon drôlo no dèkroutsin, pu no keminthin a dèvejâ patê. Chè tràvon moutsè: «Parlez-vous anglais Madame?» Ma na. Lou dyo pâ di krouyè réjon, i chu èmâbya kemin dè kothema. I fournechon pê bohyâ .

Anne Marie Yerly

Appelle-moi, mais pas trop souvent

Le téléphone est une invention bien utile. Surtout depuis que nous pouvons le prendre dans la poche et appeler qui l’on veut, quand on veux.

Et depuis qu’il n’est plus fixé à la paroi par son cordon, vous pouvez bavarder le temps qu’il faut( enfin pas trop longtemps quand même) tout en faisant le dîner, en vous promenant ou en regardant le jardin, où les mauvaises herbes commencent à pousser.

Mais, comme tout le monde, vous êtes souvent dérangés par cette sonnerie qui nous vient de je ne sais où. Vous allez répondre, quand même, on ne sais jamais. Une voix pointue vous demande votre nom alors que ce serait à elle de se présenter. Bon. Puis ensuite elle vous déballe des âneries: voulez-vous faire un beau voyage? Avez-vous envie de changer de vie? Une pommade? L’avenir peut être?

Certains les laissent parler un moment. D’autre se fâchent. Pas moyen de s’en débarrasser sans être un peu sévère.

Ils ont été averti, pourtant., c’est toujours pareil, ils ne se découragent pas. Deux, trois fois par jour. De quoi devenir enragé. Je sais bien que ceux qui font cela le font pour gagner leur vie… mais c’est aussi pour pourrir la notre.

Alors, nous avons trouvé peut être la bonne solution pour s’en débarrasser. À nous ça nous donne un bon moment de rigolade. Aussitôt que l’on voit que c’est un numéro un peu bizarre, nous décrochons et nous commençons à parler patois. Ils se trouvent muets, ébahis: «Parlez-vous anglais, madame?» Mais non. Je ne leur dit pas de méchancetés, je suis aimable comme de coutume. Ils finissent pas boucler.

Anne Marie Yerly