L’é rin a vo j’aprindre a propou di minâdzo ke van mô! N’in d’a prà d’ègjinpyo, è di pye krouchtiyan. I keminthon a lou kontrèyi po di rin, pu l’afére ch’invremè. Chè tràvè di dzin ke l’an la titha pri dou bounè, adon, i fô rin po ke to tsejichè in èkouéche.

Adon ke bin chovin, i chufi dè pou po chè rètakounâ… è l’è dèjo le lèvè ke «l’armistice» l’è chinyi.

Dou j’èpà chè chiran poutamin tsêrkotâ, po de l’afére dè rin prou chure, ma, chè bonyivan du kotyè tin. Bonyi l’è pâ bi, ma bramâ è royi l’è pâ mi.

L’avan on yi drobyo, dè né fajan ti dou atinhyion dè pâ tru rèmouâ è chuto pâ chè totchi. On dzoua, l’omo l’a prê lè grô moyin, l’a betâ on lan intrèmi di dou, ou mitin dou yi. Cha fèna radjivè ti lè kou ke l’i fayi fére le yi. Moujâdè on bokon, chi grô lan pyin dè j’ètsenè. Ma l’afére dourâvè. Tsakon, piti a piti, chè ch’ irè on bokon apéji, ma nè l’on nè l’ôtro voli fére le premi pâ.

Ou mitin de na né, madama l’a èthèrni. «Bènechè!» ke l’i fâ chon viyo. Adon la fèna: «L’è dè bon kà?» «Vouêê…» l’a rônâ l’ôtro.

Adon cha dàthe l’i fâ to bounamin: «È bin, ôtha le lan!»

Anne Marie Yerly

Remue-ménage

Je n’ai rien à vous apprendre à propos des ménages qui vont mal! Il y en a pas mal d’exemples, et des plus croustillants. On commence à se chicaner pour des riens, puis l’affaire s’envenime. Il se trouve des gens qui ont la tête près du bonnet, alors, il ne faut rien pour que tout tombe en ruines.

Alors que bien souvent, il suffit de peu pour se raccommoder… et c’est sous la couette que l’armistice est signé.

Deux époux s’étaient sérieusement accrochés, pour peu de chose certainement, mais, ils se boudaient depuis quelques temps. Bouder n’est pas beau, mais crier et se battre n’est pas mieux.

Ils avaient un grand lit, la nuit, ils faisaient tous deux attention de ne pas trop bouger et surtout de ne pas se toucher. Un jour, l’homme a pris les grands moyens, il a mis une planche entre les deux, au milieu du lit. Sa femme rageait chaque fois qu’elle devait faire le lit. Pensez un peu, cette grosse planche, pleine échardes. Mais l’affaire durait. Chacun, petit à petit, s’était un peu apaisé, mais ni l’un ni l’autre ne voulait faire le premier pas.

Au milieu d’une nuit, madame a éternué. «Dieu te bénisse» lui fait son vieux. Alors la dame: «Est-ce bon cœur?» «Ouêê…» a grogné l’autre.

Alors sa douce lui fait bien gentiment «Et bien, enlève la planche»

Anne Marie Yerly