L’è pâ tan bi dè prindre la dètraka è dè pâ-mé povê chè ratinyi dè rire a on intêrèmin. Ma di kou l’è inpochubyo ôtramin.

Di dzin dè vêr-no m’an kontâ ke din lè j’an thinkanta, chon jelâ intêrâ on koujin, on koujin k’irè modâ po la Franthe in mile nou-thin vin è ôtyè. Irè on bon bougre, ma on bokon brakonyé, on bokon trinta-kouthè, ma chuto on têrubyo fâchèyà. I verivè to in rijârdè. Kotyè pititè dèvalè deché ou delé, kotyè tire-vunyè… to dzoua è-the ke l’i a fayu lêvi.

In Franthe, din on to piti velâdzo pêrdu, l’a prê on piti bin è l’a alèvâ cha famiye dinche. Fô dre ke le règrètâvan a Trivô: nyon-mé po fére di krachè è dèmorâ le mondo.

Le dzoua dè che n’intêrèmin, l’inkourâ (ke fajê achebin le majalê) l’i a fayu alâ tyâ on vi, vê on payijan. L’è don dza arouvâ in rètâ, lè botè adi inchanyolâyè. Kemin la méjon irè pâ tan yin dou mohyi, le prithre è lè charvin chon jelâ tantyè a cha méjon , è rèvinyê in kortéje po la mècha.

Ma, l’avan rin dè korbiyâre. Po tragalâ le vâ, irè rintyè oun’èchpéche dè granta bèrôta, avu ouna ràvoua dèvan è dou petson dêrê. I pyovechê a la roye, la route irè pâ goudrenâye, l’è don din le pako ke l’an tsemenâ in prèyin. A chi momin la ràvoua l’a keminhyi a tchikâ kemin che volê achebin tsantâ chon Rèquiem: Youp… youp… youp!

Adon, l’an ti moujâ ke le koujin dêvechê achebin rire dè bon kà, du l’é-Hô.

Anne Marie Yerly

L’enterrement du farceur

Ce n’est pas très beau de prendre un fou rire et de ne plus pouvoir se retenir lors d’un enterrement, mais parfois c’est impossible.

Des gens de chez nous m’ont raconté que dans les années cinquante, ils étaient allés enterrer un cousin, un cousin qui était parti pour la France en 1920 et quelques. C’était un bon bougre, mais un peu braconnier, un peu original, mais surtout un terrible farceur. Il tournait tout à la rigolade. Quelques petites dettes ici ou là, quelques petites chicanes… toujours est-il qu’il dû s’en aller.

En France, dans un tout petit village perdu, il a pris un petit domaine et élevé sa famille. Il faut dire qu’à Treyvaux, il fut regretté: plus personne pour faire des farces et amuser le monde.

Le jour de son enterrement, le curé (qui était aussi le boucher de campagne) avait dû aller tuer un veau chez un paysan. Il est donc arrivé en retard, les souliers en sang. Comme la maison n’était pas loin de l’église, le prêtre et les servants de messe sont allés jusqu’à la maison et revenus en cortège pour la messe.

Mais, ils n’avaient pas de corbillard. Pour amener le cercueil, ce n’était qu’une sorte de longue brouette, avec une roue devant et deux manettes derrière. Il pleuvait à verse, la route n’était pas goudronnée, c’est donc dans la boue qu’ils ont cheminé en priant. A ce moment, la roue a commencé à grincer comme si elle voulait aussi chanter son Requiem: Youp… youp… youp!

Tous ont alors pensé que le cousin riait aussi de bon cœur, de Là-Haut.

Anne Marie Yerly