Din on payi libro kemin le nouthro, ke no puin to dre è gayâ to dèchidâ mimo, l’è di kou difichilo dè prindre lè bounè dèchijyon. Chta chenanna, no fô alâ vôtâ. No j’an kudji akutâ totè lè hyotsè, dè totè pâ è dè totè lè kolà. Kemin fére po bin fére? N’in d’a ke dyon dinche, di j’ôtro le kontréro. No j’an nonmâ di j’otoritâ ke no krêyin kapâbyo. I inkotson lè kèchtyon… ma yô trovâ lè bounè rèponchè? On chè dèmandè frantsemin portyè fére tan dè boura po d’lafére ke tsandzèrè kan mimo ou bè dè kotyè j’an.

Mè rèvin oun’ichtouâre ke chè pachâye l’i a dè chin ou mintè thinkant’an: on viyo du vêr-no, irè djamé d’akouâ avu chin ke la kemouna ou bin la parotse propojâvè: di tsandzèmin, di novi konchiyé, di j’ôtro j’inpou è ché pâ tru tyè. To chin ke dèvechê votâ, irè kontre. On dzoua, inradji l’a bramâ pa le kabarè: «Lè po rin dè vôtâ, chon tré-ti pour.»

L’è bin chin ke chè pâchè intye-no: prà van pâ-mé vôtâ… ma, y chon lè premi a rèmolâ kan ôtyè y va pâ-mé. Adon tyè fére: alâ ou pye pri dè cha konhyinthe è léchi dèvejâ cha réjon è chon kà… chin ke n’in châyèrè no le vêrin bin.

Anne Marie Yerly

Être bon citoyen

Dans un pays libre comme le nôtre, où nous pouvons tout dire et presque tout décider nous-mêmes, il est difficile de prendre la bonne décision. Cette semaine, nous devons aller voter. Nous avons tenté écouter toutes les cloches, de tous cotés et de toutes couleurs. Comment faire pour bien faire? Certains disent comme ceci, d’autres le contraire. Nous avons nommé des autorités que nous croyons capables. Ils préparent les questions… mais où trouver les bonnes réponses? On se demande franchement pourquoi faire tant de bruit pour des choses qui changeront quand même au bout de quelques années.

Me revient une histoire qui s’est passée il y a de cela au moins 50 ans: Un vieux de chez nous, n’était jamais d’accord avec ce que la commune ou la paroisse proposait: des changements, de nouveaux conseillers, d’autres impôts et je ne sais trop quoi. Tout ce qu’il devait voter, il était contre. Un jour, furieux, il a crié, au café: «C’est pour rien de voter, il sont tous pour!»

C’est bien un peu ce qui se passe chez nous: beaucoup ne vont plus voter… mais ils sont les premiers à rouspéter quand quelque chose ne va plus. Alors que faire? Aller au plus près de sa conscience et laisser parler sa raison et son cœur… ce qui en ressortira, nous le verrons bien.

Anne Marie Yerly