Pâ fôta d’alâ in vakanthè ou dyâbyo po chè payi dou bon tin. A propou dè tin, no chin pâ j’ou vouêthâ chtou dêri mê! Ma l’an kan mimo pu fènâ. L’è pye vuto fê tyè on yâdzo.

Prindre on bokon dè bon tin l’è bin mertâ. Le mi dè juin l’è ou bè. Lè j’ètudiyan chon in pyin j’ègjâmin, chon nêrveu è mafi. Lè mêtre,ou bè dou roulô; la fêvra di vakanthè l’è gatoyè poutamin. L’è le momin dè chè betâ ou vê po chè rèfére ouna chindâ.

Modâ! Ma yô? I chinbyè ke l’è adi intye-no ke no chin in chèkuritâ. Tsandji d’ê l’è pâ dèfindu, bin chur! Kotyè piti voyâdzo din le payi mè chinbyè bin alêgro. In montanye achebin, a la dzà, a la ruva di lé.

Kan on moujè chin ke chè pâchè ou dzoua d’ora, avu ti hou j’èmigrâ ke dêvon ch’inchôvâ dè lou payi. Por alâ yô? Ch’innèyi din la Méditerranée, poutithre! Bin ouê, l’è portan dinche. Adon kan no puin avê di vakanthè kemin lè nouthrè no j’an toparê rin a rèmolâ.

Vo kouâjo a ti on bi tsôtin.

Anne Marie Yerly

Prendre du bon temps

Il n’est pas nécessaire d’aller au diable vauvert pour se payer du bon temps. A propos de temps, nous n’avons pas été gâtés ces derniers mois. Mais ils ont quand même pu faner. C’est plus vite fait que dans le vieux temps.

Prendre un peu de bon temps est bien mérité. Le mois de juin est au bout. Les étudiants sont en pleins examens, ils sont nerveux et fatigués. Les maîtres, au bout du rouleau; la fièvre des vacances les chatouille furieusement. C’est le moment de se mettre au vert pour se refaire une santé.

Partir! Mais où? Il semble que c’est encore chez nous que nous sommes le plus en sécurité. Changer d’air n’est pas défendu, bien sur. Quelques petits voyages dans le pays me semble bien agréable. En montagne aussi, en forêt, au bord des lacs.

Quand on pense à ce qui se passe aujourd’hui avec tous ces émigrés qui doivent se sauver de leurs pays. Pour aller où? Se noyer dans la Méditerranée peut être! Et bien oui, c’est comme ça! Nous qui avons des vacances comme les nôtres, nous n’avons rien à réclamer

Je vous souhaite à tous un bel été.