Oun’ichtouâre ke dâtè pâ du vouè,è ke no vin dou velâdzo dè Velâ lè Kukârè.

Din chi piti velâdzo, on dzouno è cha miya l’avan dèchidâ dè lou mariâ l’outon bin le furi d’apri. Ma kan le furi lè arouvâ di j’êmi dou dzouno l’avan organijâ on voyâdzo ou payi di j’Amèrikè.

Adon kan le Dzojè l’a choche aprê, l’a j’à na pechint’invide d’ithre dou voyâdzo. D’on kou l’a rinvouyê le mariâdzo a pye tâ. Chè parin iran pâ dou to kontin è l’an to fê po le teri in’arê, ma rin-a fére, to èthê dèchidâ.

Dèvan dè modâ, cha dona li di: «Fichton, kan te cheri lé, te poré no j’invouyi dutrè bouêthè dè pachtiyè po radzounâ?» «Bin chure, bouna dona, rin dè nyô?» Ke li fâ chon bouébo! Pâ mankâ, kotyè tin apri lè parin l’an rèchu pè la pouchta trè patyotè dè trinta pachtiyè tsakon. On po le chènya, on po la dona è on po cha grahyàja. In dèpye, na pitita babiyârda din la tyinta i dèmandâvè a cha dona dè vinyi a la gâre le rèchouêdre a chon rètoua.

Po li fére pyéji, la mére lè dèchindya a cha rinkontra. A la gâre, grôcha chorèprêcha! Cha dona tinyê on piti din chè bré! Le bouébo, la yuva ègarâye li di: «Dona! Kô-l’è chi piti?» È bin, lè ton chènya! Le dzouno tot’èthenâ: «Ma… lè pâ pochubio!» È bin vouê ke li rèpon cha dona, mè fô t’èchplikâ: on dzoua ton chènya l’a avalâ d’on cheu kou to chon patyotè.

Te vê inke le rèjulta!

Gérard Rime à Tônon Tsêrmê

Les pastilles «made in USA»

Une histoire qui ne date pas d’aujourd’hui et qui nous vient du village de Villars-les-Cucares

Dans ce petit village, un jeune homme et sa fiancée avaient décidé de se marier à l’automne ou au printemps suivant. Mais quand le printemps est arrivé, des amis du jeune avaient organisé un voyage au pays des Amériques.

Aussi, quand le Joseph eut appris cela, il eut une féroce envie d’être du voyage. Du coup, il a renvoyé le mariage à plus tard. Ses parents n’étaient pas du tout contents, ils ont tout fait pour le retenir, mais, rien à faire, tout était décidé.

Avant de partir, sa mère lui dit: «Fiston, quand tu seras là-bas pourrais-tu nous envoyer deux ou trois boîtes de pastilles rajeunissantes?» Bien sur, ma bonne mère, pas de problème!» que lui fait son garçon. Pas manqué; quelques temps plus tard les parents ont reçu, par la poste, trois petits paquets de trente pastilles chacun. Un pour le père, un pour la mère et un pour sa gracieuse fiancée. En plus, une petite bafouille dans laquelle il demandait à sa mère de venir à la gare à sa rencontre.

A la gare, grosse surprise! Sa maman tenait un petit dans ses bras. Le garçon le regard égaré lui dit: «Maman, qui est ce petit?» «Hé bien c’est ton père!»

Le jeune, tout étonné: «Mais, ce n’est pas possible!» Et oui, lui réponds sa mère, il faut que je t’explique: un jour, ton père a avalé d’un seul coup, tout le paquet.

Voilà le résultat!

Gérard Rime à Tônon Tsêrmê