Chtou dzoua pachâ, no j’an aprê pa lè papê ke l’Inkrêma chè bayèrè don cheul kou po lè pèrotsè ke chè trâvon outoua dè Bulo, din l’unitâ dè Nouthra Dona dè Pidyi. Avu le pou dè prithre ke châbré on pou konprindre, ma prâ dè dzin trâveron chin damâdzo, in rèmoujin i balè fithè ke chin bayivè din lè pèrotsè, ti lè chat’an. To le mondo chè dèmenâvè è avi a kâ dè bin rèchyêdre Monchagneu. Po lè charvintè dè kura irè achebin on grô dzoua, pêrmo ke fayi inkotchi on bon goutâ, djuchtamin po Monchagneu, lè j’inkourâ de la kotse è bin chur lè konchèyi dè pèrotse. L’èvètyè profitâvè achebin dè bayi on kou d’yè po vêre che to irè in ouâdre din la kura. Din na pèrotse yô l’inkourâ ne kratchivè pâ din chon vêro, in dèchindin a la kâva, l’èvètyè chè betâ a dre: «Que de cadavres!» L’inkourâ, pâ intrèprê, ly rèbrekè: «Vo j’in fédè pâ Monchagneu, n’in da pâ on k’lè mouâ chin le chèkouâ dou prithre.»

Po in rèvinyi a l’Inkrêma d’ora, fô kan mime dre ke lè j’inkremâ chon bin prèparâ pè di dzin ke konprinyon bin lè dzouno è lè beton in fathe d’l’avinyi, yô la fê va chovin bin lè j’idyi chu le tsemin ke lè j’atin.

Vonvon Kolly

La Confirmation au jour d’aujourd’hui

Ces jours passés, on a appris par les journaux que la Confirmation se donnera en une seule fois, pour les paroisses qui se trouvent autour de Bulle, dans l’unité de Notre-Dame de Compassion. Avec le peu de prêtres qui reste, on peut comprendre, mais beaucoup de gens trouveront ça dommage, en repensant aux belles fêtes que cela donnait dans les paroisses, tous les sept ans. Tout le monde se démenait et avait à cœur de bien recevoir Monseigneur. Pour la servante de cure c’était aussi un grand jour, parce qu’elle devait préparer un bon repas, justement pour Monseigneur, les curés de la région, et bien sûr les conseillers de paroisse. L’évêque profitait aussi de jeter un coup d’œil pour voir si tout était en ordre dans la cure. Dans une paroisse où le curé ne crachait pas dans son verre, en descendant à la cave, l’évêque se met à dire: «Que de cadavres!». Le curé, pas entrepris, lui répond: «Ne vous en faites pas, Monseigneur, il n’y en pas un qui est mort sans le secours du prêtre».

Pour en revenir à la Confirmation d’aujourd’hui, il faut quand même dire que les confirmands sont bien préparés, par des gens qui comprennent bien les jeunes et les mettent en face de l’avenir, où la foi va souvent bien les aider sur le chemin qui les attend.

Vonvon Kolly