Ha foto chu la gajèta dè demikro, l’a fê a rèmontâ din ma titha on mache dè galé chovinyi. Irè pâ rin d’ithre motorijâ por alâ deché è delé, chin pèdalâ è chin pêna.

No j’avan ou velâdzo, on to chuti po vindre hou machinè. Irè martsô dè mihyi, piti a piti, lè tsavô l’avan pachâ dè mouda, chè beta a la mèkanike. L’a keminhyi pê vindre di vèlo, i chavê pê bouneu, achebin lè rapyôtchi. Pu adon, chon arouvâ hou fameujè «Vespa». Ti lè dzouno n’in d’avan invide, no j’ôtrè lè fiyè achebin, chuto po no tragalâ la demindze. Moujâdè on bokon: irè pye alêgro dinche tyè d’alâ a la bènichon a Balavouêrda in vèlo, chin kontâ le rètoua...

Mon frârè d’in d’avê ouna. Kan lè vatsè iran a pou pri totè a gota, no j’avan pâ tan a kolâ; adon i betâvè la boye dèvan li, intrè chè duvè pyôtè, pu lêvi a la fretyire. Irè pye vuto fê tyè avu le tsin, tan mi por mè.

No j’an fê di balè tournâyè. Rin dè kàske, le dzouno gravatâ è la fiye a betse dêrê… le kotiyon èthan tru èthrê por alâ a tsavô. On dèvêlené, mon frârè è mè no j’an dèchidâ d’alâ vouityi on film, in vela. «Don Camillo», lè tyintè ritè. Pê vê lè ondz’àrè no chin rèmontâ. I royivè a la vêcha! Kotyè kou, i mè léchivè le djidon, pê bouneu pâ chi dèvêlené inke. Amon la Kràja, dza mâre-brète, l’è chintu kemin on kou dè fuji din l’yè drê. Monètyâ dè kukâra!

Anne Marie Yerly

Le joli temps des Vespa

Cette photo sur le journal de mercredi, a fait remonter dans ma tête, une foule de jolis souvenirs. Ce n’était pas rien d’être motorisé pour aller de-ci de-là, sans pédaler et sans peine.

Nous avions au village, un tout habile pour vendre ces machines. Il était maréchal-ferrant de métier, petit à petit, les chevaux étant passés de mode, il s’est mis à la mécanique. Il a commencé par vendre des vélos, il savait heureusement aussi les réparer. Puis alors, sont arrivées ces fameuses Vespa. Tous les jeunes gens en avaient envie, nous autre, les filles, aussi, surtout pour nous faire véhiculer le dimanche. Pensez en peu: c’était plus agréable ainsi que d’aller à la bénichon à Bellegarde en vélo, sans compter le retour.

Mon frère en avait une. Quand les vaches étaient presque toutes taries, nous n’avions pas grand-chose à «couler»; il mettait la boille devant lui, entre ses deux jambes, et en route pour la laiterie. C’était plus vite fait qu’avec le chien, tant mieux pour moi.

Nous avons fait de belles balades. Point de casque, le jeune cravaté et la fille en amazone derrière… la jupe étant trop étroite pour se mettre à califourchon. Un soir, mon frère et moi avons décidé d’aller voir un film en ville: Don Camillo, les rires. Vers les onze heures nous sommes remontés. Il pleuvait à verse! Parfois il me laissait le guidon… par bonheur pas ce soir-là. A la montée de la Crausaz, déjà trempée, j’ai senti comme un coup de fusil dans l’œil droit. Saleté de hanneton!

Anne Marie Yerly