Toparê! L’i a prou grantin ke rijon di Fribordzê. Lè Dzodzè don! Nouthron lujé achin pye mô tyè vêr-là. Lè j’infan l’an la moka. Lè fèmalè chon monètè è poutè. To chin ke puon invinhyenâ dè krouyo, chè rèparmon pâ dè le dre. Fô pâ ch’in fére po chin, kemin chi ke dejê: «Mè fâ rin dè pachâ po le fou, por atan ke hou ke le dyon chêyan malin!»

«Gaba-tè, nyon tè gabè» di le rèvi. È bin ,no j’an dè tyè no gabâ vouè: la novala Miss Suisse l’è Dzodzèta. Pu l’è pâ la premire puchke n’in d’a dza j’à duvè j’ôtrè, chtou j’an pachâ. Po l’i arouvâ, chufi pâ rintyè d’ ithre bala, fô achebin avê ôtyè din le titha. L’è bin fête, chin l’è chur. Ma i di pâ di j’ânèri, l’è modèchte è grahyàja in mimo tin. Anfin, i rèprèjintè bal-è-bin l’èmâdze dè nouthron tyinton.

L’è pâ kemin hou manekin ke dèfelon, po lè novalè moudè a Paris: I van in kuchotin, lè tsanbè mégrelètè, l’an rin dè fouârmè, i fan na pota dè karêma. Chon kemin lè dzeniyè: l'an la titha tru pitita po l’i betâ na charvala. L’è veré ke dè totè fathon, no j’an pâ l’akouè d’atsetâ lè j’âyon ke prèjinton.

Rèvinyin a nouthra galéja Miss po l’i kouâdre:Bouna Tsanthe!

Anne Marie Yerly

Samedi 14 novembre, 18 h. Messe du Souvenir des Patoisants. Célébrant Dominique Fragnière. Chœur-Mixte de Sorens. A Notre-Dame-de-Compassion. Bulle

Notre Miss

Tout de même! il y a assez longtemps que l’on se moque des Fribourgeois. Les Dzdzets, don! Notre purin sens plus mauvais que le leur. Les enfants ont la chandelle. Les femmes sont malpropres et laides. Tout ce qu’ils peuvent inventer de mauvais, ils ne se privent pas de le dire. Il ne faut pas s’en faire pour si peu, comme celui qui disait: «Ça ne me fait rien de passer pour le fou, pour autant que ceux qui le disent soient malins!»

«Vante-toi, personne ne te vante» dit le proverbe. Et bien, nous avons de quoi nous vanter aujourd’hui: la nouvelle Miss Suisse est Dzodzette. Et elle n’est pas la première, puisqu’il y en a déjà eu deux autres, ces années passées. Pour y arriver, il ne suffit pas seulement d’être belle, il faut aussi avoir quelque chose dans la tête. Elle est bien faite, c’est sur. Mais elle ne dit pas d’âneries, elle est modeste et gracieuse en même temps. Enfin, elle représente exactement l’image de notre canton.

Elle n’est pas comme ces mannequins qui défilent pour présenter les nouvelles créations à Paris. Elles trottent sur leurs maigres jambes, elles n’ont pas de formes, elles font une mine de Carême. Elles sont comme les poules: elle ont la tête trop petite pour y contenir une cervelle. C’est vrai, de toute façon, nous n’avons pas de quoi acheter les vêtements qu’elles présentent.

Revenons à notre jolie Miss, pour lui souhaiter Bonne Chance!

Anne Marie Yerly