No j’an di balè né èthilâyè chtou dèri tin. Vo puédè kontâ lè pyanètè è vo vêdè adi on piti tro dè lena. Kan le chèlà chè va muchi, lè fotografe ch’in bayon a pyiéji.

Ma, kemin fére po bin obchêrvâ lè j’èthêlè kan l’i a tan dè lumyérè chu têra? Intrè ti lè velâdzo on vê di tsapalè dè kandèlâbro. La mindra méjon l’a fô èhyiri kemin in pyin dzoua… adon ke l’i a dyora nyon-mé ke va a pi. Vo j’alâdè mè dre ke l’è a kouja di lârè, chon pye krintubyo kan fâ on bokon dzoua. Poutithre bin, ma alâdè gugâ lè j’èthêlè kan vo j’ithè inbornyi pê ti hou piti chèlà.

Pu l’i a lè «garniturè» di méjon! Inke no j’in d’arin por on grô tsapitro. Di ramirè chon kouvêrtè dè bregolichè dè totè chouârtè è dè totè kola. Di bèthètè, di chapalètè, di j’ètyilè, di tsanpinyon, i vô pâ la pêna dè ch’èthindre chu la lichta, n’in d’arè po di j’àrè.

La fitha di Lumyérè, le dzoua dè Nouthra Dona dèvan Tsalandè (vouète dè dèthanbre) a Lyon, l’é yu chin in mile nou thin thinkant’è dou. È bin l’I avê chu totè lè fenithrè de la vela di piti luminyon, di tsandêlèté, lè dzin tsantâvan din lè ruvè, chè chaluâvan… ke chin irè bi! Pâ na tsêna dè lumyérè èlèktrike, rin dè tsafiru è dè fu d’artifitho. Lè fu dè dzouyo iran din lè kà. Moujâdè on bokon a chin, cht’a né in vouitin lè j’èthêlè… che l’I a rin dè nyolè. Vo j’àbyèrê to le richto.

Anne Marie Yerly

Fêtes et lumières

Nous avons de belles nuits étoilées ces derniers temps. Vous pouvez compter les planètes et vous voyez encore un petit bout de lune. Au coucher du soleil, les photographes s’en donnent à plaisir.

Mais, comment faire pour bien observer les étoiles alors qu’il y a tant de lumières sur terre? Entre tous les villages on voit des chapelets de candélabres. La moindre maison, on doit l’éclairer comme en plein jour… alors que bientôt plus personne ne sort à pied. Vous allez me dire que c’est à cause des voleurs, ils sont plus craintifs quand il fait un peu jour… Peut être bien, mais, allez guigner les étoiles quand vous êtes éblouis par tous ces petits soleils.

Et puis, il y a les «garnitures» des maisons. Là, nous en aurions pour un grand chapitre. Des façades sont recouvertes de brimborions de toutes sortes et de sortes de couleurs. Des bestioles, des petits sapins, des échelles, des champignons. Il ne vaut pas la peine de s’étendre sur la liste, on en aurait pour des heures.

La Fête des lumières, le jour de l’Immaculée Conception (8 décembre) à Lyon: j’ai vécu ça en 1952. Et bien, il y avait sur toutes les fenêtres de la ville, de petits luminions, de petites bougies, les gens chantaient dans les rues, se saluaient… que c’était beau! Pas une chaine de lumière électrique, point de feu de joie ni de feu d’artifice. Les feux de joie étaient dans les cœurs. Pensez un peu à cela cette nuit, en regardant les étoiles… s’il n’y a pas de nuages. Vous oublierez tout le reste.

Anne Marie Yerly