Lè grantè vèyè d’evê no bayon l’èpâhyo dè dzoukâ dèvan chi karon ke dyon «vijenê». Fô bin dre ke chovin, l’è rintyè bon po l’i ch’indremi.

Ma du tin j’in tin, i pâchon di galéjè tsoujè, è no j’an dè tyè rèyi. Âmo bin lè «film» d’ichoutâre. On pou adi l’i aprindre on piti ôtyè. Ma l’é rèmarkâ ke bin chovin, i no fan avalâ n’inpouârtè tyè.

Ègjinpyo: Chin chè pachâvè din na kanpanye, di fèmalè inpantchivan la buya, chu di kouârdè intrè lè j’âbro d’on dzordi, l’avan di byochètè in bou, di grôchè krebiyè, anfin to kemin on yâdzo.Ma adon, on kou ke l’è j’ou bin obchêrvâ… i betâvan a chètchi dou lindzo chè! Chu lè linhyu on vèyê adi lè pyê dou rèpachâdzo.

Ouna pye bala: On’irè ou Moyen’âdzo. On bi film. Ichtorike chôpyé! Din on pouro velâdzo, lè dzin alâvan pi-nyu din le pako. Di pourè méjon a tê in tsàmo. Lè bithè alâvan de ché è de lé, n’inpouârtè kemin.

A n’on momin, l’é yu ôtyè ke n’in d’é pâ kru mè j’yè: Di kayon, din oun’èchpéche dè bouaton, l’è j’avan bin inbojalâ, inpakotâ, po fére «ôtantike». Adon l’è inke ke l’é remarkâ a l’ou j’oroyè, la mârka in plachtik dzôna, ke beton ou dzoua d’ora i kayon.

L’è poutithre avu di j’afére dinche ke l’ichtouâre chè dèfouârmè.

Anne Marie Yerly

Il ne faut pas refaire l’histoire

Les longues veillées d’hiver nous donnent l’occasion de perdre un peu de temps devant cette «lucarne à images». Disons que bien souvent ce n’est bon qu’à s’endormir.

Mais, de temps en temps, on nous passe de jolies choses, et nous avons de quoi choisir. J’aime bien les films historiques. On peu éventuellement y apprendre un petit quelque chose. Mais, j’ai remarqué que bien souvent, on nous fait avaler n’importe quoi.

Exemple: ça se passait en campagne, des femmes étendaient la lessive, sur des cordes tendues entre les arbres d’un verger, elles avaient des pincettes en bois, de grandes corbeilles, enfin tout comme dans le vieux temps. Mais alors, une fois que j’eus bien observé… elles mettaient à sécher du linge sec. Sur les draps on voyait encore les plis du repassage.

Une plus belle: On était au Moyen-Age. Un beau film. Historique s’il vous plait! Dans un pauvre village, les gens marchaient nu-pieds dans la boue. De pauvres maisons au toit de chaume. Les bêtes erraient de-ci de-là, n’importe comment.

A un moment, j’ai vu une chose… je n’en ai pas cru mes yeux: Des cochons, dans une sorte de soue, on les avait bien barbouillés de boue, pour faire «authentique». C’est seulement alors que j’ai remarqué à leurs oreilles l’étiquette jaune en plastique, que l’on met aujourd’hui aux cochons.

C’est peut être avec des choses comme ça que l’histoire se déforme.

Anne Marie Yerly